Отворена истрага за разбојништвото во казиното „Адмирал“

Јавен обвинител од Основното јавно обвинителство Скопје донесе Наредба за спроведување истражна постапка против две лица за кои постои основано сомнение дека извршиле „разбојништво".

Како што соопшти Јавното обвинителство, еден од осомничените го сторил делото како соизвршител, додека второто осомничено лице помогнало во вршењето на кривичното дело.

Осомничениот 22-годишен скопјанец, на 20 јули 2019 година околу 22 часот, заедно со едно засега непознато лице, негов соизвршител, со употреба на пиштол се заканил на двајца вработени во казиното „Адмирал" лоцирано на улица „12 Македонска Бригада". Маскирани со фантомки, разбојниците влегле од задната врата на казиното и одзеле 126.161 денари. Во исто време, второосомничениот, 19-годишен скопјанец, ги чекал двајцата сторители во возилото „Ауди А5" кое го ставил на располагање за обезбедување превоз, со што помогнал во вршењето на кривичното дело.

Откако осомничените излегле од казиното, биле пресретнати од овластени службени лица по што побегнале.

„Јавниот обвинител кој постапува во предметот ценеше дека за едно од осомничените лица се исполнети законските основи за обезбедување на непречено водење на кривичната постапка , па до судија на претходна постапка во Основниот кривичен суд Скопје достави предлог за определување на мерката притвор. Предлогот на обвинителството беше прифатен од судот, по што на осомничениот му е определен притвор со траење од 30 дена“, соопштува Обвинителството.

Тоталното разочарување од сите мејнстрим политички елити, вклучувајќи ги и зелените, континуирано води кон отуѓување на граѓаните, за што доказ е се помасовното бојкотирање на изборните процеси.

повеќе

Помина времето кога политиката беше „шаховска борба“ на политичките актери, која неретко се одвиваше далеку од очите на јавноста и беше доста неразбирлива за обичниот гласач. 

повеќе

Државата треба повеќе да се вклучи во промовирање на младинско претприемништво како економска активност која би помогнала за намалување на невработеноста.

повеќе