Сообраќајна контрола

Откриени голем број технички неисправни возила на подрачјето на СВР Тетово

За период од четири часа сообраќајната полиција на подрачјето на СВР Тетово казнила повеќемина возачи поради техничка неисправност на нивните возила, најмногу поради неисправни сопирачки, но регистрирани се и лица кои возеле без да имаат положено возачки испит.

За време на денешните сообраќајни контроли во периодот од 9 до 13 часот, извршени од службеници на СВР Тетово, на ова полициско подрачје биле откриени 19 возила кои биле технички неисправни. Од нив 11 возила биле со тетовски регистерски таблички и осум со гостиварски таблички.

Од СВР Тетово велат дека најголемиот број од неисправните возила имале неисправни сопирачки, од нив 10 со тетовски таблички и 5 со гостиварски, а три тетовски и едно гостиварско возило имале неисправен уред за управување.

Сите возила се искличени од сообраќај, а нивните сопственици се санкционирани, велат од СВР Тетово.

За време на оваа сообраќајна контрола откриени се и четири возила со истечена регистрација и кои биле технички неисправни.

Шест возачи немале положен возачки испит, еден возач не ја носел дозволата, додека казнети се и двајца возачи почетници кои не се придржувале на законските ограничувања за оваа категорија возачи.

Кој кого „мафлосува“, тие нас или ние нив. Чекор напред, три назад, како раковите во Охридското Езеро од моето детство кои исчезнаа во налетот на технолошкиот напредок и уништувањето на животната средина.

повеќе

Ние сме земја што први во Европа имаме стратегија за интеркултурализам.

повеќе

Францускиот предлог претставува директно рушење на основните темели на ЕУ.

повеќе