Се стекнале со противправна имотна корист од 177.550 денари

Осуденици и вработен во затворот во Идризово осомничени дека сториле 26 измами

МВР поднесе кривични пријави за четири лица за сторени 26 кривични дела измама, при што се стекнале со противправна имотна корист од 177.550 денари.

Во нелегалните активности учествувале две лица од Скопје, кои се на издржување затворска казна во Идризово. На двајцата осуденици, им помагале уште две лица, од кои едното вработено во затворот Идризово, во кои сторителите издржувале затворска казна.

Од МВР информираат дека Одделението за криминалистички работи во Единицата за внатрешни работи Кисела Вода, при Секторот за внатрешни работи Скопје, до Основното јавно обвинителство во Скопје поднесе кривична пријава против Б.А.(33) и Б.С.(43), двајцата од Скопје, поради постоење основи на сомнение дека сториле 26 кривични дела „измама".

Кривични пријави се поднесени и против А.Б.(31) и И.З.(53), двајцата од Скопје, поради постоење основи на сомнение дека сториле кривично дело „помагање" во врска со извршени 26 кривични дела „измама", при што се стекнале со противправна имотна корист од 177.550 денари.

Од МВР информираат дека прво и второпријавениот, кои се на издржување казна затвор во Казнено-поправната установа Идризово, Скопје, во периодот од февруари до мај 2020 година извршиле 26 кривични дела „измамa" на тој начин што од различни телефонски броеви се јавувале на оштетените, кои во повеќето случаи се управители на фирми, им се претставувале како управители или директори на различни фирми од различни локации низ Скопје и договарале средби.

Додека оштетените се движеле кон договорените локации, им се јавувале да застанат и на однапред ангажирани такси возачи од различни такси компании да им дадат парични средства со изговор дека такси возачот треба да им заврши некоја услуга, а паричните средства ќе им бидат вратени на средбата која ќе ја остварат.

Третопријавената ги земала паричните средства од такси возачите и ги предавала на четвртопријавениот, вработен во Казнено-поправната установа Идризово, кој пак, дел од парите им ги давал на Б.А. и Б.С..

Од МВР соопштуваат дека по преземени оперативни мерки и активности, било дојдено до сознание дека А.Б. била инволвирана, по што со неа бил извршен разговор во полициска станица, при што го појаснила начинот на помагањето.

Исто така, во полициска станица бил извршен разговор и со четвртопријавениот, како и тројца такси возачи, кои исто така, го појасниле начинот на извршување.

На 9 мај 2020 година, по Наредба на судија во претходна постапка, бил извршен претрес во КПУ Идризово, во просториите каде што се сместени прво и второпријавениот, при што биле одземени повеќе предмети, по што со нив бил извршен разговор во кој во целост го појасниле начинот на извршување на кривичните дела, велат од МВР.

Самиот Никос Коѕијас не го почитува договорот што го потпиша со Заев и Димитров. Ќе реагира ли македонското МНР на терминологијата во неговата колумна, како што вети дека секогаш ќе реагира кога се крши Договорот од Преспа? Треба. Ама не е за верување.

повеќе

За првпат 16 врвни бизнисмени од земјите на Западен Балкан, врз основа на мерливи критериуми, ќе го следат напредокот на економските реформи во регионот и ќе го известуваат Брисел.

повеќе

Хрватска и Северна Македонија имаат јаки културни и историски врски и традиционално добри односи. Заради тоа, но и заради хрватското искуство со пристапните преговори, Хрватска треба да биде најдобриот пријател и бранител на нејзиниот европски пат, особено откако Северна Македонија е изложена на токсичен национализам и на неправда, нешто за што во Европската унија не смее да има место, пишува во колумна за Аутограф хрватскиот пратеник Бојан Главашевиќ анализирајќи ги бугарските условувања, но и предупредува дека Хрватска засега молчи..

повеќе