Од 137 казнети возачи во Скопје 29 биле без дозвола, 23 возеле пијани

Полицијата во Скопје, во рамките на засилените акциски контроли во областа на сообрќајот, вчера изрече вкупно 137 мерки, од кои 29 за возење без возачка дозвола, 23 за возење под дејство на алкохол, а 13 за возење повеќе од дозволената брзина.

Исто така, изречени се седум мерки за користење мобилен телефон, 10 за некористење сигурносен појас, осум за технички неисправни и нерегистрирани возила, како и шест санкции за возач почетник.
МВР најавува дека засилените акциски контроли продолжуваат и во наредните денови.