МВР санкционираше 60 возила со кои се врши јавен превоз

Во рамки на оперативната акција „Дозвола" МВР спроведе зајакната акциска контрола на територијата на Македонија на возила со кои се врши јавен превоз на патници и притоа биле санкционирани 60 возила.

„Контролирани се 576 автобуси и други возила со кои се врши јавен превоз, а неисправност е утврдена кај 60 возила. Од нив 21 на територија на СВР Тетово, 11 на територија на СВР Штип, девет на територија на СВР Струмица, осум на територија на СВР Скопје... Од овие 60 возила, кај 42 е утврден неисправен уред за запирање, кај пет неисправен уред за управување... Возилата се исклучени од сообраќај и ќе следуваат соодветни поднесоци", рече Тони Ангеловски од МВР.

Од страна на инспектори на Државен инспекторат за патен сообраќај и инспектори од единиците на локална самоуправа (кои исто така учествуваа во акциската контрола) преземени се 18 мерки поради вршење на јавен превоз без лиценца.

„Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта", рече Ангеловски.

Во новите предлози се направени само формални, но не и суштествени промени, во однос на претходниот предлог (кој Владата го нема објавено).

повеќе

Енергетската криза во светот, но и во Република Македонија (РМ), не стивнува иако сме на почеток на летото кога вообичаено има помала потрошувачка на енергија кај нас. 

повеќе

Самостојните уметници не се доволно мотивирани да создаваат. 

повеќе