Мигранти од Авганистан пронајдени во возило кај патарината Отовица-Велес

Двајца полициски службеници и двајца мигранти се здобиле со телесни повреди, откако синоќа во акција на полицијата пред патарината Отовица-Велес во возило се пронајдени десет мигранти од Авганистан.

Како што соопшти МВР вчера околу 04:50 часот, пред патарина Отовица – Велес, во координирана акција било сопрено патничко моторно возило „фолксваген фејтон", со скопски регистарски ознаки, сопственост на А.С. (24) од с.Студеничани, скопско, во кое биле превезувани мигрантите.

При застанување на возилото дошло до судир со полициското возило „ландровер", при што со телесни повреди се здобиле двајца полициски службеници и двајца мигранти, кои биле префрлени во Општа болница Велес.

Околу 6:00 часот на локалниот пат за с.Отовица биле лишени од слобода Б.И.(19), кој управувал патничко возило „сеат", со скопски регистарски ознаки, и сопатниците Б.В.(28) и А.И.(23), сите од Скопје, поради сомнение за поврзаност со настанот, по што биле приведени во Полициската станица Велес за понатамошна постапка.

За случајот е известен јавен обвинител, а по комплетно документирање на случајот ќе бидат поднесени соодветни поднесоци.

Пронајдените мигранти се префрлени во Прифатно- транзитниот центар „Винојуг", Гевгелија.

Германската канцеларка Ангела Меркел, меѓу другите, беше гневна; Балканот помодре од бес. ЕУ сега се обидува да го натера Макрон да го тргне ветото пред Европскиот самит во март.

повеќе

Мојата заложба е конечно законите и прописите наместо инструмент за спроведување лични интереси, да ја добијат вистинската функција, заштита на интересите на граѓаните. За жал...

повеќе