Мајка од Скопје се жали на расистички напад врз нејзините деца

Милена А. Милошевска на својот Фејсбук-профил информира дека на скопскиот плоштад „Македонија" имало расистички напад врз нејзините три малолетни деца.

Како што пишува мајката, покрај вербалните навреди упатени кон нејзините деца, синот бил и физички нападнат.

Од МВР велат дека случајот е пријавен во полиција.

„Вчера во 21.40 часот во ПС Центар М.А.М. (38) пријавила дека дента во 18.20 часот на плоштадот Македонија во Скопје нејзиниот 13-годишниот син со своите 9-години брат и сестра биле нападнати од две непознати лица. Полицијата го расчистува случајот и ги бара насилниците", велат од МВР.

Според Милена А. Милошевска и претходно таа и децата трпеле навреди од расистички причини.

„Син ми Нишон (13г.) и неговите брат и сестра (9г.) одејќи кон музичкото училиште, на плоштадот Македонија во родниот ни наш град Скопје, биле нападнати вербално на расна основа од страна на двајца млади мажи околу 20г. Им го попречувале патот и ги нарекувале (Niggers). Син ми, Нишон е удрен со многу силна тупаница по главата (повреден) поради тоа што ги прашал дечките зошто ги навредуваат и дали тоа го прават на секој поразличен физички од нив...
Имало луѓе наоколу, но никој ништо не сторил во моментот.
Дечките избегале, јас како мајка случајот, потоа, го пријавив во полиција и им ветувам на моите деца, дека јас како нивен протектор, овде дома во РСМ нема да дозволам повеќе да бидат/бидеме вербално и физички напаѓани без никаква основа, а никако па на расна основа...
Значи навреди како:„ (Nigger), „Црнчуго", Циган" не се забавни и нема да пројдат онака" напиша мајката на децата на својот Фејсбук профил.

 

Неопходно е да се допрецизира законот со што би се овозможило одреден дел од финансиски средства да се пренасочат кон делот на општествена одговорност на приредувачите на игри на среќа со цел подобрување на спортската инфраструктура.

повеќе

Тоталното разочарување од сите мејнстрим политички елити, вклучувајќи ги и зелените, континуирано води кон отуѓување на граѓаните, за што доказ е се помасовното бојкотирање на изборните процеси.

повеќе

Помина времето кога политиката беше „шаховска борба“ на политичките актери, која неретко се одвиваше далеку од очите на јавноста и беше доста неразбирлива за обичниот гласач. 

повеќе