Куче гризело деца во Аеродром

Синоќа околу 20 часот во скопската населба Аеродром побеснето куче ротвајлер нападнало неколку деца и ги испокасало. Случајни минувачи успеале некако да спречат уште поголема трагедија.

Еве што за настанот на својот фејсбук профил напиша синоќа Тодор Петров, кој бил сведок на оваа немила случка:

„Од 20.15 до 20.50 бев сведок на крвава драма. Никому да не му се повтори. Од зграда во паркот кај игралиштето во Ново Лисиче, карши паркот со авионот, немоќно гледав како ротвајлер се бореше со две деца на 7-8 годишна возраст и една возрасна жена која се тркалаше во тревата за да ги одбрани. Викав на глас немоќно од зградата за спас на децата. Уште ми одекнува во ушите врисокот и плачот на децата. Жената го задржа цврсто кучето, децата избегаа накај булеварот АСНОМ, ѝ се отпушти од раце ротвајлерот, повторно се стрча по децата. Децата се измешаа барајќи помош во една група поголеми деца кои играа кошарка под кошот меѓу зградите. Ротвајлерот повторно ги нападна двете деца кои претходно беа искасани во паркот. Во општата брканица целата група деца беше искасана од здивеното куче од кое никој не можеше да се одбрани. Натрчаа повозрасни од зградите, го удираа кучето за да ослободи нечија рака или нога прегризена. Повеќето се сокрија во влезот на околните згради… Само Господ знае кој сѐ беше изгризан… Нападнатите деца долго ќе имаат трауми од немилиот настан, дај Боже да поминат со помали рани и без труење или беснило, човек не може да знае што му беше на кучето кое сите ги напаѓаше… Градот врие од диви глутници кучиња и кучиња скитници. АПЕЛИРАМ до градоначалникот на градот Скопје, до градоначалникот на Аеродром, до сите надлежни, овој немил настан да биде опомена што не чека на улица. Аман, преземете мерки исчистете го градот од глутниците кучиња кои се опасност по сечиј живот. Многу немил настан и потресен… Кучето веројатно повторно е некаде меѓу зградите, по улиците во Ново Лисиче. Аман!“

Република Македонија треба да понуди законска можност за реализација на правото на приватен и семеен живот за истополовите партнери.

повеќе

Умре Милена Дравиќ. Да живеевме во некое друго време, во некоја друга земја, таа вест ќе се прикажеше на екраните на југословенските телевизии, како што ни се прикажа веста за смртта на Тито.

повеќе

Во кичестиот амбиент на магичното Скопје, каде што се изградени огромни споменици на Александровите фалангисти, а знамето на НАТО се вее пред зградата на Генералштабот, во градот поделен на македонски и на албански дел, лебди Бизмарковата геополитичка визија: оној што ја контролира долината на реката Вардар, станува господар на Балканот.

повеќе