Кривични пријави за узурпација на земјиште во државна сопственост

Продолжува узурпацијата на земјиште во државна сопственост долж брегот на Дебарско Езеро и бесправна градба на објекти. По таа основа до сега поднесени се повеќе кривични пријави против жители на Дебар, кои на овој начин се стекнале со против-правна имотна корист, но појавата продолжува. 

Последно, дебарското одделение за внатрешни работи поднесе кривни пријави против двајца жители на Дебар по истата основа.

„Поради постоење основи на сомнение за сторени казнени дела „узурпација на недвижности" и „бесправно градење" ОВР Дебар поднесе кривична пријава против Љ.Л.(46) од Дебар. Тој, во месноста „Бадеми" на брегот на Дебарско Езеро, на локација од 62 метри квадратни во државна сопственост, неовластено и без соодветно одобрение издадено од надлежен орган, започнал градба на објект од цврста градба“, изјави Стефан Димоски, портпарол на Секторот за внатрешни работи од Охрид.

По истата основа поднесена е кривична пријава и против М.Б.(59) исто така од Дебар. Тој, во текот на јуни оваа година, во споменатата месност на парцела од 72 метри квадратни во државна сопственост, без да обезбеди одобрение од надлежен орган и спротивно на Законот за градење, започнал градба на објект.

На овој начин Љ.Л. се стекнал со противправна имотна корист во износ од околу 122.760 денари, додека М.Б. со 142.560 денари.

Сѐ поочигледно е дека наместо Заев да направи чистка и да замети, граѓаните ќе го изметат него и СДСМ.

повеќе

Можеби поради еуфоријата што ја донесе туризмот - и желбата на самите жители на Грција да уживаат во одморите - пошироката јавност беше подготвена да ги толерира дневните бројки на новозаразени (во просек помеѓу 2.000 и 3.000 случаи во текот на летото). 

повеќе

Насловот асоцира и на резултатите од изборите, кои, кога ќе излезе оваа колумна, ќе бидат познати, иако најретко споменуван збор во кампањата беше зборот ДЕЦЕНТРАЛИЗАЦИЈА, кој е единствен начин за остварување на сите „големи“ ветувања што ги слушнавме изминативе две недели.

повеќе