Казнети 295 возачи за пребрзо возење на патниот правец Скопје – Охрид

Во рамки на засилените сообраќајни контроли спроведени изминатото деноноќие на патниот правец Скопје – Охрид се изречени вкупно 295 санкции за пребрзо возење.

Како што беше речено на денешната прес-конференција на МВР во Охрид, од изречените казни 18 биле за возење со брзина над 70 километри на час поголема од дозволената, а 104 санкции за возење 50 километри на час повеќе од пропишаното.

Портпаролот на МВР Тони Ангеловски најави дека полицијата ќе продолжи со интензивни акциски контроли во областа на сообраќајот, со цел намалување на бројот незгоди и особено оние со жртви.

„Акциите даваат резултати, ги санкционираме несовесните возачи, а забележано е намалување на бројот незгоди со потешки последици. И на социјалните мрежи и преку медиумите граѓаните ги поздравуваат акциите, тие сакаат ред и безбедност во сообраќајот“, рече Ангеловски.

Како резултат на засилените контроли минатата е година со најмал број жртви во сообраќајни незгоди, а трендот продолжува и оваа година.

„Целта е оваа година да дојдеме под сто жртви во сообраќајните незгоди“, истакна портпаролот на МВР.

Полицијата врши контроли и ги санкционира сите прекршоци што предизвикуваат опасност за предизвикување тешки сообраќајни незгоди: пребрзо возење, управување со возило под дејство на алкохол, управување возило без дозвола како и нерегистрирани односно непроверени возила.

Според Ангеловски, висината на изречените санкции зависат од прекршокот, од тоа колкава е брзината над дозволената. За несовесните возачи нема толеранција, покрај казната за потешките прекршоци следува и одземање на возачката дозвола.

Проверките и контролите покажуваат дека несовесни возачи има од сите категории граѓани, од која било возраст, пол, па дури и кај професионалните возачи.

„Покрај засилените репресивни мерки, спроведуваме и превентивни кампањи за сите категории учесници во сообраќајот, особено насочени кон помладите уште од помала возраст да се влијае врз изградба на сообраќајна култура, за да имаме совесни возачи при што не би имало потреба од репресивни мерки“, рече Ангеловски. 

Кусокот во глобалното производство на вакцини против КОВИД-19 може да се надомести доколку на производителите ширум светот им се даде пристап до потребната технологија и знаење. 

повеќе

Европа е решена да се ослободи од меката моќ на Москва (енергенсите), а и на дипломатско поле сака да и стави до знаење дека и за неа ќе има „црвени линии“. 

повеќе

Незабележливите разлики во нашето однесување кои се дел од психолошката манипулација на социјалните мрежи се предизвикани од надзорниот капитализам и ја нарушуваат демократската култура и личната автономија.

повеќе