Кај жена од Куманово најдена дрога, заврши во притвор

Кумановското обвинителство поведе постапка против триесет и осумгодишна кумановка за пронајдена дрога, соопшти денеска Oбвинителството. Кај кумановката пред три дена полицијата пронашла прашкаста материја и дрога. Судија од кумановскиот Суд го прифатил предлогот на обвинителството и ѝ определил мерка притвор во траење од 30 дена.

Јавен обвинител од Основното јавно обвинителство Куманово донесе наредба за спроведување на истражна постапка и поднесе предлог за определување на мерка притвор против 38 годишна кумановка, поради постоење на основано сомнение дека го сторила кривичното дело-неовластено производство и пуштање во промет на наркотични дроги, психотропни супстанции и прекурсори од член 215 став 1 од Кривичниот законик.

„Осомничената на 4 декември годинава, околу 12:00 часот, во својот дом во Куманово, неовластено заради продажба држела наркотична дрога – хероин во вкупна маса 4,31 грама. Откако претходно ја набавила наркотичната дрога од засега непознато лице, таа дрогата замотана во полиетиленско пакување ја скрила во кутија од цигари ставена на тераса, на прозорот од дневната соба. При претресот службените лица пронашле и дигитална вага“, соопшти Обвинителството.

Судијата на претходна постапка при Основен суд Куманово го прифати предлогот на обвинителството и ја определи предложената мерка притвор во траење од 30 дена.

Колку и да сакаме Украинците да добијат целосна правда, на ерата на славни војни, несомнени победи и чисти порази ѝ дојде крајот. 

повеќе

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе

Сите политичари и безмалку сите новинари во Македонија, се со став дека нема или поточно не е можен план Б во преговарањето за влез во ЕУ со Бугарија.

повеќе