Осумдесет пакети марихуана

Кај охриѓанец пронајдена дрога за улична продажба

Полицијата во Охрид јави дека вчера при претрес на едно лице пронајдени се две кеси со марихуана, по што бил претресен неговиот дом и една просторија на друга локација, каде се најдени се 80 пакети со оваа дрога, која била наменета за улична продажба.

„Вчера, во 21.30 часот, на улицата „Васил Главинов" во Охрид, при преглед извршен врз Т.Љ.(31) од Охрид, полициските службеници од Одделението за недозволена трговија со дрога при СВР Охрид, пронајдоа и одзедоа две најлонски кеси со марихуана. Дополнително, при претрес во неговиот дом како и во помошна просторија што ја користел на улицата „Марко Нестороски", пронајдени се 80 полиетиленски опаковки со различа тежина на марихуана наменети за улична продажба на наркозависници од Охрид. Т.Љ. е приведен и против него, СВР Охрид ќе поднесе соодветна пријава", соопшти МВР.