Изнајмиле апартман и краделе на плажа, македонски државјани уапсени во Будва

Црногорската полиција ги уапси македонските државјани Шаип Р. (58) и Тони Т. (52), кои што се сомничат дека изминатите две недели извршиле шест кражби на будванските плажи.

Тие, како што пишува црногорскиот портал „Вијести“ биле откриени откако на туристите на познатата „Словенска плажа“ им rи краделе торбите кои ги оставале под чадорите додека се бањале во море.

Нив ги забележал иннспектор во цивил, кој по службена должност бил на плажата.

„Будванската полиција, за да ги спречи кражбите, назначи одреден број инспектори што секојдневно се во цивил и ја контролираат плажата. Токму во таков случај се уапсени државјаните на Македонија. Ги следеле до автомобилот што го паркирале недалеку од плажата, каде им се ставени лисици на рацете и приведени“, велат од тамошната полиција.

Mакедонските државјани во Будва стигнале пред петнаесетина дена и изнајмиле апартман на море.

„Со автомобилот секој ден доаѓале на плажа, обично ги бирале најпосетените. Користејќи го метежот, незабележано краделе. За жал и мало невнимание на туристите било доволно да останат без своите предмети. Краделе торби со лични работи, паричници, пари, накит, картички за банка, па дури и гардероба“, објаснуваат инспекторите.

На двајцата крадци им е одреден притвор од 72 часа. Тие ги признале шесте кражби.

Информацијата дека коронавирусот може да се пренесe преку допир со готовина, дополнително ги мотивираше луѓето да се ослободат од банкнотите. 

повеќе

Овогодинешниот процес во одлучување по конкурсот за финансирање на проекти за игран филм е селективен, корумпиран и компромитиран,

повеќе

Во споредба со 2019 година, просечното време поминато на социјалните медиуми во 2020 година се зголеми за рекордни 100% на сите платформи.

повеќе