Две малолетни лица повредени во две сообраќајки

Две лица на возраст од 7 и 17 години се повредени во две одделни сообраќајни несреќи на регионалниот пат Берово – Виница. Во првата незгода, на место викано Дивидија во атарот на беровското село Митрашинци, мотоцикл „јамаха", со беровски регистарски ознаки, управуван од 17-годишник, изгубил контрола и излетал надвор од коловозот.

„Во незгодата, возачот се здобил со тешки телесни повреди, констатирани во Клиничката болница Штип. Увид на местото на незгодата извршила увидна екипа на Одделението за внатрешни работи Берово“, се вели во полицискиот билтен за случајот.
 
Во втората несреќа настрадал 7-годишен сопатник, откако возачот на возилото со кое се превезувал малолетникот изгубил контрола над воланот.
 
„На место викано Кошето, атар на беровското село Будинарци, В.Б.Л.(31) од беровското село Митрашинци, управувајќи патничко возило „сеат алтеа", со беровски регистарски ознаки, изгубил контрола и удрил во карпа. Во незгодата, со тешки телесни повреди се здобил седумгодишен сопатник, а со телесни повреди се здобила В.Б.Л., констатирани во Клинички центар „Систина" – Скопје, каде биле пренесени за укажување на лекарска помош. Увид на местото извршила увидна екипа на Одделенеието за внатрешни работи Берово“, стои во извештајот на полицискиот билтен.
 
Двете сообраќајки се случиле вчера во периодот од 12 до 17 часот. 

Веќе четврта деценија штом општеството се фокусира на македонско-бугарските или македонско-албанските односи, на улиците излегуваат навивачките групи со навредливиот репертоар. Спонтано? Ајде, Ве молам.

повеќе

Нивото на Советот на Центар никако да порасне и да покаже демократски капацитети и зрелост очекувана од граѓаните

повеќе

Historia magistra vitae est (Историјата е учителка на животот). Оваа латинска изрека ќе ги објаснува односите меѓу народите и нациите додека постои светот.

повеќе