Чудо што е жив, со 4,14 промили алкохол во крвта „мртов-пијан“ возел автомобил

МВР соопшти дека сообраќајната полиција запрела возач - жител на Илинден кој бил толку пијан што алко - тестот покажал 4,14 промили алкохол во крвта. Дали се работи за рекордно висок тест, не е соопштено, но како специфичен случај МВР сподели фотографија направена од екранот на дрегер-апаратот, а на него може да се прочита дека пијаниот возач се алкохолизирал уште од претпладне - тестот е направен по 14 часот. За тешко пијанство се смета од 2,5 до 3,5 промили, а над тие вредности се преминува во несвесна состојба па и во алкохолна кома.