Без лиценца вршел јавен превоз на патници: Кривична пријава за жител на село Новак

Против С.Н.(44) од село Новак, општина Центар Жупа, ОВР Дебар поднесе кривична пријава поради постоење основи на сомнение за сторено кривично дело „вршење јавен превоз без поседување лиценца", соопштија од МВР.

При контрола на патничко возило „мерцедес", со дебарски регистарски ознаки, управувано од пријавениот, извршена на 11.02.2022 на ул.„8 Септември" во Дебар, полициски службеници констатирале дека тој врши јавен превоз на патници без да поседува соодветна потребна документација издадена од надлежен државен орган за вршење превоз на патници во внатрешниот сообраќај.