Во Скопје за два дена

13 лица возеле под дејство на алкохол, 27 без дозвола, 7 поминале на „црвено“, 3 се потешко повредени...

Вкупно 16 сообраќајни незгоди се случиле на подрачјето на Секторот за внатрешни работи Скопје во текот на изминатите два дена. Во три од нив имало потешко повредени лица, во девет полесно повредени, а во четири имало само материјална штета.

Во сообраќајните незгоди, како што информира МВР, три лица се здобиле со тешки телесни повреди и 12 лица се здобиле со телесни повреди. Во истиот период „фатени“ се 55 возачи кои возеле со брзина поголема од дозволената, а од сообраќај се исклучени 42 возачи од кои: 13 возачи затоа што управувале возила под дејство на алкохол, 27 возачи управувале возила без да се стекнат со право за управување на моторно возило и двајца возачи затоа што биле возачи-почетници. Исто така исклучени од сообраќај се и 29 возила, бидејќи биле нерегистрирани. Санкционирани се девет возачи поради поминување на крстосница на црвено светло, седум возачи поради недавање првенство на минување на пешаци, двајца поради неправилно престројување и двајца возачи поради неправилно престигнување.

Во однос на пешаците санкционирани се тројца пешаци поради поминување на коловоз вон пешачки премин. Во текот на изминатиот ден издадени се 146 мандатни платни налози и 72 возила се подигнати со специјално возило „пајак“.

На мојот пријател, овчарот Митко му реков: „Дојде време ти, јас, сите граѓани на Македонија да си го вратиме суверенитетот на оваа наша држава".

повеќе

Неопходно е да се допрецизира законот со што би се овозможило одреден дел од финансиски средства да се пренасочат кон делот на општествена одговорност на приредувачите на игри на среќа со цел подобрување на спортската инфраструктура.

повеќе

Тоталното разочарување од сите мејнстрим политички елити, вклучувајќи ги и зелените, континуирано води кон отуѓување на граѓаните, за што доказ е се помасовното бојкотирање на изборните процеси.

повеќе