Црна хроника

Сообраќајна незгода меѓу две патнички возила се случила вчера во 11:43 часот на ул.„Филип Втори“. Незгодата се случила меѓу патничко возило „БМВ“, со скопски таблички управувано од Н.Ч.(37) од селото Рашче и патничко возило „фиат добло“, со скопски таблички управувано од С.А.(50) од Скопје.

„Синоќа во 23:30 часот во казино на улица „Илинденска“ во Тетово од слобода се лишени М.Е.(24) и О.Ф.(52), двајцата од Албанија, поради непријавен престој во Македонија“, информираат од МВР.

Вчера во Транзитниот центар - Табановце, Н.А. (35) и Х.М. (38), мигранти од Иран, пријавиле дека од неколку лица од село Лојане, општина Липково, биле ограбени, а едно од лицата извршило обљуба над жена, мигрантка од Авганистан.

Основното јавно обвинителство Скопје до Основниот кривичен суд Скопје достави Обвинителен предлог против едно лице на кое му се става на товар едно продолжено кривично дело – Тешка кражба од член 236 став 1 точка 1 од Кривичниот законик.

Скопјанец вчера бил каснат од куче скитник во населбата Кисела Вода.

30 минути по полноќ, полициски службеници од СВР Скопје на ул.„Партение Зографски“ го лишиле од слобода В.С.(19) од Скопје, затоа што при извршен преглед кај него била пронајдена марихуана. 

Битолчанец е тешко повреден кога при чистење револвер „застава 357 магнум М 83/93“, кој го поседувал со дозвола, добил прострелна рана во пределот на левата дланка.