Забрзувањето на новиот родстер на Тесла ќе ве остави со подотворена уста (ВИДЕО)

Пред нешто повеќе од една година Тесла ги изненади сите со претставување на новата генерација на моделот родстер во форма на прототип.

Оттогаш во неколку извештаи се тврдеше дека сериската верзија може да биде уште побрза. А новиот родстер веќе е способен за неверојатни перформанси.

Според компанијата на Илон Маск, моделот најавен за 2020 година има перформанси на хиперавтомобил: 0-100 км/ч за само 2,1 секунда и од 0-160 км/ч за 4,2 секунди, како и максимална брзина поголема од 400 км/ч.

Тесла најави дека основниот модел ќе чини 200.000 долари во САД, што изгледа многу, но имајќи ги предвид перформансите слични на автомобилите што чинат пет (или повеќе) пати повеќе, некако има логика.

Она што е најинтересно е што перформансите не се добиени на сметка на радиусот на возење со едно полнење, па така новиот родстер може да помине речиси 1.000 километри со „еден резервоар“, односно едно полнење на батериите од 200 киловат часови.

Но, главниот адут на родстерот на Тесла е забрзувањето, и тоа е тоа што го покажува најновото видео. Снимено минатата година при претставувањето и објавено неделава од страна на Тесла, ги покажува реакциите на оние кои од прва рака го доживеале вџашувачкото забрзување.

Во ерата во која сите напредни земји во светот престануваат со употреба на фосилни горива, ние отвораме нови наоѓалишта, наоѓаме оправдување за исцрпување на необновливите ресурси и за активирање на најголемата глобална закана за морската биолошка разновидност.

повеќе

За жал многумина, а особено оние што треба, не може да ја видат историската димензија на оваа посета на еден папа на нашата земја.

повеќе

Кога знаеме како функционира кризата на претставеност, можеме да спречиме повторување на историјата, кое можеби овој пат би имало и многу полоши последици по демократското општество.

повеќе