Поголем од хамер Х1

Тојота мегакрузер е јапонски офроуд диносаурус од 90-тите (ФОТО+ВИДЕО)

Поминаа 25 години откако светот се запозна со јапонскиот теренец со фантастично име – мегакрузер, одговорот на Тојота на хамер Х1.

 

Иако бројката не е официјална, Тојота наводно произвела само 151 примерок од мегакрузерот за цивилите, а само 12 од нив се со волан од левата страна.

Исто како и хамерот, тојота мегакрузер бил развиен како возило за сите терени за воени цели – цивилната верзија се продавала само во Јапонија и тоа по нарачка. Неколкуте „обични“ примероци биле рачно правени меѓу 1995 и 2002, а биле дополнително оданочувани, главно поради големината на возилото.

Всушност, мегакрузерот е дури поголем и од хамерот. Јапонското офроуд чудовиште е 40 сантиметри подолго и 18 сантиметри повисоко од американската грдосија. И покрај огромноста, ентериерот е во најмала рака компромис, главно поради тоа што погонските компоненти се „навлезени“ во кабината за што поголема одвоеност од подлогата.

Моќта доаѓа од робустниот 4,1-литарски четирицилиндерски турбодизелаш кој дава 152 коњски сили. четирибрзински автоматски менувач ја испраќа силата до сите четири тркала.

Како што може да претпоставите, мегакрузерот доаѓа целосно опремен за офроуд доминација – специјални оски, независна амортизација напред и назад, три блокирачки диференција и управување со задните тркала за помал радиус на вртење.

Може да се каже дека тојота мегакрузер е вистински еднорог... всушност масивен и дебел еднорог, па не очекувајте лесно да го најдете на продажба. Меѓутоа, ако сте решени да го имате, има еден што се продава во Казахстан за 110.000 долари. И ќе треба сами да си го довезете.

Постојат различни фактори кои влијаат на нивото на ризик кога станува збор за перење пари. Тоа може да биде од клиенти, региони, производи или ризик од финансиски инструменти. Разбирањето на овие ризици, како и факторите што придонесуваат, им овозможува на надлежните органи многу поефикасно да се заштитат од перење пари поврзано со корупција.

повеќе

Ако идниот премиер биде македонски Албанец и ако успее сите граѓани на Македонија да се поклонуваат под едно знаме, тогаш – зошто да не!

повеќе

Стана премногу вообичаено да се слушнат повици за брза и сериозна одмазда како одговор на недокажани престапи на говорот и мислата, велат Ноам Чомски, Џ.К. Роулинг и 150 други интелектуалци во отворено писмо до јавноста.

повеќе