Кортеж аурус

Што сѐ знаеме за новата лимузина на Путин (ФОТО+ВИДЕО)

Како што беше најавено, новата претседателска лимузина аурус на Владимир Путин за првпат беше јавно покажана на денот на инаугурацијата на старо-новиот претседател на Русија.

По неколку години најавување и повеќе фотографии од различните прототипови, конечната верзија на Путиновата претседателска лимузина конечно излезе на дневна светлина.

Автомобилот со кој рускиот претседател се одвезе на положувањето на заклетвата беше создаден токму на негова иницијатива. Рускиот претседател предложи на рускиот пазар да се претстави линија домашни, луксузни лимузини, моноволумени и кросовери под заедничкиот назив „Проект Кортеж“.

Идејата беше претседателот да има посебно возило, но паралелно да се развијат возила за останатите високи државни функционери, вклучувајќи специјализирани возила, миниванови и кросовери. Дел од производството треба да биде достапен и на слободниот пазар.

Конечната верзија на лимузината кортеж која можевме да ја видиме на инаугурацијата однадвор изгледа како комбинација од С-класата на Мерцедес и фантом на Ролс Ројс.

Според неофицијалните информации, автомобилот под хаубата има V12 мотор со турбополнач и 850 коњски сили, развиен со помош на Порше, а автоматскиот деветбрзински менувач е наводно од руско производство.

Лимузината на првиот руски претседател Борис Јелцин ЗИЛ-41052

Што се однесува до останатите возила од Проектот Кортеж, планирани се моноволумен, кросовер и помала лимузина, а секој од луксузните модели ќе се изработува во серии од по 5.000 примероци.

Умре Милена Дравиќ. Да живеевме во некое друго време, во некоја друга земја, таа вест ќе се прикажеше на екраните на југословенските телевизии, како што ни се прикажа веста за смртта на Тито.

повеќе

Во кичестиот амбиент на магичното Скопје, каде што се изградени огромни споменици на Александровите фалангисти, а знамето на НАТО се вее пред зградата на Генералштабот, во градот поделен на македонски и на албански дел, лебди Бизмарковата геополитичка визија: оној што ја контролира долината на реката Вардар, станува господар на Балканот.

повеќе

Повеќе од 40 години пишувам за самостојноста на македонскиот јазик и идентитет и на моменти бев подложуван и на физички напад поради моите ставови. Јас не би прифатил ништо што го негира признавањето на Македонија.

повеќе