„Чешкиот голф“

Шкода за првпат ја покажа камуфлираната скала, ги објави техничките детали (ФОТО+ВИДЕО)

Чешката компанија објави нови детали и први официјални фотографии, иако камуфлирани, од новиот компактен хечбек кој ќе дебитира до крајот на годината и ќе го замени моделот рапид.

 

Скала е новиот модел на Шкода во таканаречениот „Ц“ сегмент на компактни хечбек автомобили, односно во „голф класата“, каде покрај главниот модел на Фолксваген за своето место под сонцето се борат и рено меган, опел астра, форд фокус, пежо 308...

На првите официјални фотографии новиот модел на Шкода сѐ уште е покриен со „камуфлажа“, па деталите се скриени но се гледа обликот на возилото.

Шкода ги објави и првите технички детали на скала. Автомобилот, според чешката компанија, ќе има високо ниво на активна и пасивна безбедност, ЛЕД предни и задни светла, многу простор за патниците и нивниот багаж, како и голем број „едноставно паметни“ решенија низ автомобилот.

Под хаубата ќе има пет погонски единици, и тоа од 90 до 150 коњски сили. Станува збор за три бензински и само еден дизел мотор, но подоцна ќе биде претставен и еколошки поприфатлив мотор на природен гас (ЦНГ). Сите мотори имаат турбо-полнач, старт/стоп технологија како и систем за регенерација на силата на сопирање.

Новиот модел ќе биде висок 4.362 милиметри, широк 1.793 милиметри и висок 1.471 милиметар, додека меѓуоскиното растојание е 2.649 милиметри.

Што се однесува до внатрешноста, скала се приближува до октавијата.

Шкода скала својата премиера ќе ја има до крајот на 2018 година, а ќе почне да се продава во 2019 година.

Македонија треба да започне со процесот на усвојување модел за правно признавање на родот со почитување на фундаменталните права и правото на личен и телесен интегритет на транс луѓето.

повеќе

Парадоксалните судски процеси во државава, сами по себе родија парадокс.

повеќе

Следејќи ги слепо своите геостратешки планови, можно е американските геостратези и во Македонија да направија уште една грешка, во низата грешки во последните две декади.

повеќе