Шкода вижн IV концепт е уште едно кросовер купе со недефиниран заден дел (ФОТОГАЛЕРИЈА)

Еден ден пред автомобилскиот саем во Женева за оваа година да ги отвори своите врати за новинарите, Шкода го претстави концептот вижн IV.

 

Станува збор за кросовер купе и е првото возило на чешката марка кое вози на ем-и-би платформата за електрични возила на Фолксваген групацијата. Според Шкода, вижн IV користи два електромотори, по еден на секоја оска, кои користат рамни литиум-ионски батерии инсталирани на долниот дел на каросеријата за да се заштеди простор. Моделот треба да има радиус од 500 километри, иако сѐ уште нема информации за перформансите.

На предниот дел доминира светлосна лента која ги поврзува тенките предни светла. Има и голема затворена маска со вертикални ребра, мускулеста хауба и агресивно дизајниран преден браник. Линијата на покривот, ародинамичниот мал спојлер, задните ЛЕД светла во облик на буквата „С“ и импозантниот дифузер со уште една светлосна лента придонесуваат на футуристичкиот изглед.

Концептот го следи и најновиот тренд во автомобилскиот дизајн – нема традиционални надворешни ретровизори. Има и врати без рамки на прозорците и рачките на вратите не се гледаат.

А тоа што денешните дизајнери очигледно не знаат да се снајдат со изгледот на задниот дел на моделите во оваа нова квази-класа на спортски кросовер купеа најверојатно ќе биде предмет на истражувања во иднината.

Во изминатите 24 години откако Македонија и САД воспоставија официјални дипломатски односи, македонско-американските трговски врски растат бавно, но сигурно.

повеќе

Оваа појава почнува да претставува сериозна закана за учениците, но и грижа за родителите и наставниците.

повеќе

Пробацијата претставува клучна новина во реформата на нашиот пенитенцијарен и казненоправен систем и приоритетна цел на владината политика.

повеќе