Премиерата закажана за 11 ноември

Шкода ни даде да ја ѕирнеме новата октавија (ВИДЕО)

Неколку дена нѐ делат од претставувањето на новата генерација на октавијата на Шкода, а за да го одбележи одбројувањето, чешката компанија објави кратко видео.

Иако видеото не открива баш многу, оние кои ги имаат видено досегашните тизери и шпионски фотографии би требало да препознаат одредени детали.

Како што најави Шкода, новата октавија ќе има целосно ЛЕД матрикс предни светла со „две јасно дефинирани светлосни линии во форма на „L“, кои ќе ги одвојуваат светлосните модули“. И на задниот дел има ЛЕД технологија со анимирана функција.

Треба да се истакне дека видеото не ја потврдува наводно протечената слика од конфигураторот, која беше објавена на Шкода хоум форумот. Светлата на тој автомобил беа значително потенки и подолги од овие во видеото, а ни надворешните ретровизори не се исти.

Кога ќе се земе сѐ предвид, се добива чувство за силно влијание од Ауди, во однос на дизајнот.

Светската премиера на сосема новата шкода октавија ќе се одржи на 11 ноември во Прага.

Овогодинешниот процес во одлучување по конкурсот за финансирање на проекти за игран филм е селективен, корумпиран и компромитиран,

повеќе

Во споредба со 2019 година, просечното време поминато на социјалните медиуми во 2020 година се зголеми за рекордни 100% на сите платформи.

повеќе

Ковид-19 може да нѐ научи битни лекции за животот - дека почитта кон другите човечки суштества не е во честа која им ја даваме со пружање рака и тапкање по грбот, туку во суштинската грижа за нивната добробит и здравје.

повеќе