Римац повторно одушеви (ВИДЕО)

Хрватската компанија Римац автомобили повторно го привлече вниманието на автомобилската индустрија, иако сѐ уште не го направи својот трет електричен суперавтомобил.

Римац, всушност, ги разви електричниот погон, софтверот, хардверот и батерискиот систем за спектакуларниот суперавтомобил пининфарина батиста.

При најавата на соработката, од компанијата беше најавено дека договорот е вреден 80 милиони евра, а сопственикот на хрватската компанија Мате Римац изјави дека е возбуден околу предизвикот кој пред нив го постави компанијата Пининфарина.

Пининфарина батиста е електричен суперавтомобил кој развива 1.900 коњски сили и има вртежен момент од 2.300 њутнметри, а забрзува од место до 100 км/ч за само две секунди.

Достигнува 300 км/ч за само 12 секунди, додека максималната брзина е 350 км/ч, и има автономија од речиси 500 километри.

Пининфарина следната година ќе го почне производството на батиста, а ќе бидат произведени само 150 примероци со цена од 2.000.000 евра.

Во повеќето земји во развој, ковид-19 предизвикува економски ураган.

повеќе

Бизнис заедницата која до пред некој месец постојано „трубеше“ како државата не треба да ѝ се меша во работата, веднаш почна да плаче за државна помош.

повеќе

Кога може оние кои пукаа по нас, оние кои ги убија Аце, Коки и Оливер да бидат на слобода, зошто не би бил помилуван и ти?

повеќе