Светска премиера

Рејнџ ровер го претстави новиот ивок – наследник верен на оригиналот (ФОТО+ВИДЕО)

Запознајте се со новиот ивок на Рејнџ ровер, кој доаѓа седум и пол години откако почна производството на моделот во заминување. И покрај временскиот јаз, кросоверите се доста слични.

 

При дизајнирањето на сосема новиот ивок, Ленд ровер реши дека не треба да се отфрли популарниот спортски дизајн на стариот модел и ја задржа истата основна форма што добро ја знаеме. Гледан отстрана, новиот ивок е речиси идентичен на оригиналниот. Што воопшто не е лошо.

Задржани се и надворешни димензии на моделот што го заменува, но благодарение на новата „премиум трансверс“ архитектура на Ленд ровер има повеќе простор за патниците и околу 6 отсто повеќе простор во багажникот.

И однадвор и однатре новиот ивок поприлично личи и на поголемиот брат велар, а во ентериерот тоа се истакнува со двојниот дисплеј на централната конзола, кој се доплаќа.

Каросеријата на британскиот кросовер е 13 отсто потврда со намалено ниво на бучава и вибрации, а во конструкцијата се употребени 33 килограми природни и рециклирани материјали. Благодарение на новата платформа поддржува и електрификација, па ова ќе биде првиот хибриден и електричен ивок во историјата.

Што се однесува до традиционалниот погон, новиот ивок има стандардни 2,0-литарски дизел и бензински агрегати со турбини. Дизел верзијата доаѓа со 150 и 240 коњски сили, а бензинците имаат 240 и 300 коњски сили, со деветбрзински ЗФ автоматски менувач.

Во стандардниот пакет се погонот на сите четири тркала и „тереин респонс“ системот на Ленд ровер кој нуди шест модуси на возење – џенерал, еко, сенд, грас-гравел-сноу, мад-ратс и авто.

Последниот му препушта на автомобилот самостојно да го одбере најсоодветниот облик и да ги нагоди амортизацијата и електрониката според условите на патот.

Новиот ивок е оддалечен од подлогата 212 милиметри, а може и да мине низ вода длабока 600 милиметри (100 повеќе од претходната генерација).

Почетната цена во Британија е околу 35.000 евра.

Миграција со достоинство (#WithDignity) е темата на Меѓународниот ден на мигрантите 2018 година, кој го одбележуваме во вторник (18 декември).

повеќе

Без оглед на фактот што од постоењето на уметноста постои и теорија и приказна за тоа, уметничкиот процес останува крајно неразбирлив.

повеќе

Што е потребно младите велешки занаетчии да не станат самоубиствени гемиџии, туку да ги тераат своите замисли напред.

повеќе