„Повеќе од автомобил“

Новиот А8 на Ауди е комбинација од софистицираност и стил (ФОТО+ВИДЕО)

Конечно, по години минати во тестирање, месеци на разоткривање и денови на чиста нестрпливост, сосема новиот ауди А8 (Audi A8) беше прикажан на самитот на Ауди во шпанска Барселона.

 

Новиот А8 ќе користи 48-волтен електричен систем и поради тоа користи голем број напредни технологии, вклучувајќи целосно активен, електромеханички систем за амортизација и треба да биде првиот автомобил на пазарот кој користи трето ниво на автономно возење.

Што се однесува до дизајнот, А8 е поприлично инспириран од концептот пролог (Prologue Concept) од 2014 година и го пренесува новиот дизајнерски јазик на Ауди во реалноста. Дело на Марк Лихте, новиот А8 е прилично поелегантен од моделот што го заменува и сепак успева да ги „протне“ софистицираноста и стилот што се очекуваат од него.

Сѐ на сѐ, дизајнот на новиот А8 не е толку многу револуционерен како на концептот пролог, но секако е доволно модерен за да им се спротивстави на актуелните С-класа на Мерцедес бенц и серија 7 на БМВ.

Во Германија, новиот А8 на почетокот ќе се нуди со два V6 турбо мотори, 3,0-литарски ТДИ и 3,0-литарски ТФСИ. Дизелскиот мотор ќе дава 286 коњски сили додека бензинскиот агрегат ќе произведува до 340 коњски сили. Потоа ќе бидат претставени 4,0-литарски ТДИ V8 со 435 и 4,0-литарски бензински V8 со 460 коњски сили. Понудата ќе биде заокружена со 6,0-литарски W12 за кој сѐ уште не е објавено колку ќе биде моќен.

Подоцна ќе биде претставен и А8 е-трон кватро. Тој ќе има комбинација од 3,0-литарскиот ТФСИ мотор со електромотор и 449 коњски сили. благодарение на литиум-ионската батерија, ќе има радиус од околу 50 километри само на струја.

Цените во Германија за новиот А8 почнуваат од 90.600 евра, додека верзијата со продолжено меѓуоскино растојание А8 Л почнува од 94.100 евра.

Ако лидерите на двете најмоќни земји во светот – САД и Кина имаат суштински разлики во начинот на кој тие гледаат на меѓународните односи, какви се изгледите за глобално зајакнување на соработката?

повеќе

Најновите случувања на релација политичка власт-граѓански сектор, повторно го отвораат прашањето за односите помеѓу овие два сегмента на општествениот живот.

повеќе

Жените имаат повеќе тешкотии од мажите да најдат значајна и добро платена работа, а процентот на жени во глобалната работна сила постојано заостанува зад процентот на мажите. 

повеќе