Новата тoјота бЗ4X и во Македонија

Првото 100% електрично возило на Тојота, првиот модел од „бијонд зиро“, удобно, просторно и автентично теренско возило, достапно со нов систем за погон на сите тркала со теренски можности од светска класа, водечки светски квалитет и издржливост на батериите засновани на четвртина век искуство во инженерството на електрифицирани возила на Tojoта, напредни технологии Toјота T-мејт системи за безбедност и помош на возачот...

Целосно новиот бЗ4X, е првиот модел на Тојота од „бијонд зиро“ семејството на електрични возила (BEV).

Истовремено, покрај тоа што го означува понатамошниот развој на одамна воспоставените технологии за електрифицирани возила на Тојота, бЗ4X исто така испорачува и важни иновации во безбедноста, системите за помош на возачот и мултимедијалната конекција. Покрај ова, бЗ4X ја проширува и улогата на автомобилот, така што тој не претставува само превозно средство од точка А-до-Б, туку нуди и поддршка на нови можности за мобилност.

Новата тојота бЗ4X

бЗ4X е просторно и удобно теренско возило, со нов систем за погон на сите тркала, кое обезбедува водечко теренско управување и перформанси, со посебни електрични мотори за секоја оска. Ова е првиот модел што Тојота го развива целосно како БЕВ, но исто така и првиот модел што ја користи новата платформа eTNGA на компанијата што е посветена на БЕВ. Врз основа на филозофијата на eТНГА (Тојота New Global Architecture), батеријата се вградува како составен дел на шасијата, под подот на возилото. Ова носи повеќекратни придобивки, вклучително и низок центар на гравитација, одлична рамнотежа на предната и задната оска и висока цврстина на каросеријата. Сето тоа дава позитивен придонес за безбедноста, возењето и управувањето.

Надворешен дизајн

Надворешниот дизајн е елегантен, моќен и едноставен. Препознатливите тенки предни светла и акцентот на предните агли ја отсликува моќноста на автомобилот. Страничниот изглед се одликува со тенки предни столбови и ниска линија на оската што го рефлектира нискиот центар на гравитација. Големите тркала (до 20-инчен дијаметар) доведени до самите агли на каросеријата го изразуваат автентичниот СУВ-карактер на автомобилот. Дизајнот на задниот дел од автомобилот е со нагласени агли и препознатливо задно светло.

Аеродинамички карактеристики

Дизајнот вклучува аеродинамички елементи што управуваат со протокот на воздух над и под возилото и придонесуваат за досегот на возење. Тие вклучуваат отвори на предниот браник, кои придонесуваат да се создадат мазни воздушни завеси. Тенката долна решетка има затворач што се приспособува сѐ со цел да го канализира протокот на воздух за ладење на батеријата, а воедно помага и да се намали отпорноста на ветерот.

Внатрешен дизајн

Долгото меѓуоскино растојание овозможува пространа, отворена и удобна кабина со пет седишта кој потсетува на пријатен амбиент на дневна соба. Инструмент таблата е ниско поставена, што го зголемува чувството на отвореност и видливост на возачот. Принципот „рацете на воланот, очите на патот“ е поддржан од дизајнот на кабината насочена кон возачот во која 7” ТФТ-екран е сместен директно во предната линија на возачот, над линијата на воланот.

Простор за нозете е водечки во класата, за сите патници. Багажниот простор има капацитет до 452 л со исправени задни седишта.

Изведба

Изведбата со погон на предните тркала на бЗ4X се напојува со помош на електричен мотор од 150 киловати. Тој испорачува 204 DIN КС и 265 Nm вртежен момент, овозможувајќи забрзување од 0-100 км/h за само 8,4 секунди и максимална брзина од 160 км/ч. Моделот со погон на сите тркала има максимална моќност од 217,5 DIN КС со 336 Nm вртежен момент; максималната брзина е непроменета, додека забрзувањето до 100 км/h е намалено на 7,7 секунди.

Системот нуди опција за „Single pedal drive“ со кој се засилува регенерацијата на енергијата при сопирање што му овозможува на возачот да го забрза и забави возилото користејќи ја само педалата за гас.

Загарантиран квалитет на батеријата

Тојота го искористи повеќе од 25-годишното искуство во технологијата за електрифицирани возила се со цел да се осигура дека новата литиум-јонска батерија во бЗ4X има светски квалитет, издржливост и доверливост. Ваквата доверба во технологијата се рефлектира во програмата за продолжена грижа, која гарантира дека батеријата сè уште ќе работи со минимум 90% од нејзиниот оригинален капацитет, по изминати најмногу 10 години или поминати 240.000 км, под услов клиентот да го носи своето возило во овластен Тојота сервисен центар за годишна проверка на состојбата.

Ова ниво на квалитет и перформанси е поддржано со повеќекратно следење на напонот, струјата и температурата на батеријата, на ниво на поединечни ќелии. Ако се открие какво било абнормално создавање топлина, контролите автоматски се активираат. Воведени се контрамерки за да се ублажи секаква деградација на материјалот и постојат заштитни мерки во процесот на производство со цел да се спречи влегување на туѓа материја во батеријата.

Изведба за ладно време

Благодарение на ефикасниот и ефективен топлински систем, перформансите и досегот се одржуваат дури и во ладна клима. БЗ4X користи топлинска пумпа, односно црпи топлина од надворешниот воздух за да го загрее автомобилот, што е поефикасно и користи помалку енергија од стандардните системи за климатизација.

За дополнителна топлина во кабината, како опционална опрема се нуди и систем за греење за возачот и совозачот, кој е инсталиран под воланот и таблата со инструменти, а чија цел е загревање на долниот дел од нозете и стапалата. Во комбинација со грејачите на седиштата како една од опциите, се обезбедува многу побрзо загревање на кабината, за само една минута.

Досег

Батеријата има капацитет од 71,4 киловатчаса и се очекува да овозможи досег на возење повеќе од 450 км (применувајќи ги параметрите за тестирање ВЛТП).

Батеријата може брзо да се полни без да се загрози безбедноста или рокот на траење: полнење од 80% може да се постигне за околу 30 минути со систем за брзо полнење од 150 киловати (ЦЦС2).

Погон на сите тркала

Системот користи посебни мотори со моќност од 80 киловати за придвижување на предната и задната оска. XMODE му овозможува на возачот да избере режим на возење што одговара на условите на патот. Благодарение на водечките способности во овој сегмент, возачите можат да го носат својот бЗ4X каде и да ги води патот со целосна доверба, без разлика на условите.

Сеопфатни еколошки перформанси

Позитивниот еколошки профил на бЗ4X не е ограничен само на перформансите со нулта емисија на штетни гасови. Тојота прави широка употреба на рециклирани материјали во конструкцијата на автомобилот и работи со програма за повторна употреба и рециклирање на батеријата, обезбедувајќи максимален животен циклус на неговите компоненти и материјали.

Системи за безбедност и помош на возачот од новата генерација на T-мејт

БЗ4X е опремен со напредни Тојота T-мејт системи за активна безбедност и помош на возачот.

Третата генерација на Тојота сејфти сенс носи нови и подобрени функции за да се заштитите од уште поширок опсег на ризици од незгоди. Најновите безбедносни системи ги зајакнуваат способностите како партнер на возачот, напредувајќи поблиску до крајната цел на општеството за мобилност „нула жртви и повреди во сообраќајни незгоди“.

Благодарение на надградената предна камера и радар; проширена е способноста на автомобилот да препознава опасности и пречки во уште повеќе сценарија за возење.

  • „Системот за избегнување судир“ (Pre-Collision System) може да открие возила и мотоцикли кои доаѓаат од спротивната страна.
  • „Помош за свртување на крстосницата“ (Intersection Turn Assistance) сега може да идентификува сообраќај што се приближува преку две соседни ленти наместо само една, како и да детектира сообраќај што се приближува од страната на раскрсницата.
  • „Системот за помош при управувањето за итни случаи“ (Emergency Steering Assist) обезбедува дополнително благо сопирање со цел да го задржи автомобилот во сообраќајната лента кога возачот се движи за да избегне опасност како што е пешак, велосипедист или паркиран автомобил.
  • „Системот за предупредување при наидување на возила на раскрсница од напред“ (Front Cross Traffic Alert) предупредува при наидување на возила на крстосница, а новиот систем „Асистенција за безбедно излегување од возилото“ (Safe Exit Assist) може да помогне да се избегне судир помеѓу отворена врата на возилото со возила или велосипедисти кои се приближуваат одзади.

И за максимална удобност, целосно новиот „Напреден систем за паркирање“ (Advanced Park), кој користи четири камери за мониторинг со панорамски поглед и 12 ултразвучни сензори околу автомобилот, може дури и да влезе и да излезе од паркингот без возачот да биде на возачкото седиште – целосно од далечина!

Тојота сејфти сенс, исто така, го мониторира однесувањето на возачот со внатрешен монитор кој ја снима неговата вообичаена положба на возење и активира предупредување доколку открие какво било отстапување што може да сигнализира опасно одвлекување на вниманието или дека возачот не се чувствува добро или заспива.

Мултимедијален систем

БЗ4X ја користи најновата, помоќна мултимедијална платформа на Тојота со интуитивен екран на допир од 12”, овозможувајќи пристап до навигација базирана на облак (cloud) која овозможува планирање на патувањето, како и пренесување на најновите информации за сообраќајот и паркирањето. Исто така, обезбедува информации специфични за БЕВ, како што се досегот на возење, поддршка за возење и детали за станицата за полнење.

Возачот може да комуницира со возилото преку контролите на допир и гласовни команди. Функцијата за препознавање на гласовни команди вклучува опции кој може да ги активира функциите на возилото, како што се прилагодување на климатизацијата или отворање/затворање на прозорците, вклучувајќи и мултимедијални услуги како аудио и навигација.

БЗ4X веќе е достапен во продажниот центар на Тојота и е во понуда со почетна цена од 50.990 евра.

Објавено

Вторник, Јуни 28, 2022 - 15:45

Здруженост, сплотеност и поврзаност на луѓе, друштва, организации и институции кон една заедничка цел или поради заедничка причина. 

повеќе

Неколку години при здрав разум сакаат да ни наметнат и да нѐ убедат дека со соседна Бугарија сме имале заедничка историја. 

повеќе

Деновиве во Комората пристигна нацрт-концептот за даночни реформи, кој треба да претставува основа за јавна расправа во наредниот период.

повеќе