Мерцедес ГЛС, „оружјето“ за напад врз БМВ икс7 (ФОТОГАЛЕРИЈА)

Германскиот премиерум гигант Мерцедес бенц го претстави својот одговор на кросоверот икс7 на ривалот БМВ.

 

Како што и се очекуваше, новата генерација на моделот ГЛС изгледа како „набилдана“ верзија на ГЛЕ, но со новиот дизајнерски израз на Мерцедес.

За разлика од компактните браќа, ГЛС е побогат со хромирани детали на каросеријата, додека задниот дел на кросоверот го красат тенки ЛЕД стоп светла.

Внатрешноста, како и добар дел од екстериерот е слична на моделот ГЛЕ, што пред сѐ се гледа на идентичната инструмент табла со двоен дисплеј и материјали со висок квалитет.

Ентериерот нуди повеќе простор од кога било, особено на вториот ред седишта, благодарение на меѓуоскиното растојание од 3.137 милиметри, што е повеќе од она што го нуди БМВ икс7 (3.104 милиметри).

Купувачите ќе можат да бираат меѓу богата понуда од мотори, вклучувајќи го и најновиот 48-волтен „благ“ хибриден систем со шестцилиндерскиот агрегат од ГЛЕ.

Што се однесува до помоќните АМГ верзии, тука ќе го има 4,0-литарскиот V8 со двојна турбина, а сите модели ќе имаат деветбрзински автоматски менувач.

Мерцедес веќе работи на ултралуксузна Мајбах верзија на ГЛС, а најскапата верзија на овој модел ќе се разликува од остатокот од понудата пред сѐ по единствените браници, бандажи и предна маска.

Новиот мерцедес бенц ГЛС официјално ќе биде претставен на 17 април на саемот на автомобили во Њујорк.

Ајде од понеделник да се посветиме сериозно на „носење на Европа" во нашата држава.

повеќе

Улогите на „добар и лош полицаец“ ќе ги играат кон нас уште долго, доколку не сфатиме дека со итроманска политика не се може подалеку од Табановце до Богородица.

повеќе

Неделава, владите на ЕУ повторно решија да го одложат започнувањето на преговорите за пристапување со земјите кандидати Албанија и Северна Македонија, што претставува историска грешка - бидејќи безбедноста и стабилноста на Унијата зависат од трансформацијата на југоистокот.

повеќе