Порше 935 клубспорт

Мајсторите на Порше добро знаат како да направат нов автомобил инспириран од легенда (ФОТО+ВИДЕО)

Порше го искористи настанот Ренспорт ријунијон за неочекуваното претставување на новиот тркачки автомобил 935.

 

Инспирацијата е иконата 935/78, а новиот модел ќе биде произведен во ограничена серија наречена клубспорт, и нема да се натпреварува во трки/

Основа за новиот автомобил е 911 ГТ2 РС и има ретро каросерија главно направена од полимерски (пластични) панели зајакнати со карбонски влакна. 935 има и цела низа компоненти од тркачки автомоибли како ЛЕД светла од 919 хибрид ЛМП1, странични ретровизори од 911 РСР и титаниумски издувни цевки кои звучат како оние на порше 908 од 1968. И за крај, има и аеродинамички оптимизирани тркала кои личат на оние на оригиналната 935-ка.

Во внатрешноста има карбонски волан и дигитална шал табла земена од најновиот 911 ГТ3 Р. Возачите седат во тркачки седишта рекаро и се врзани со појаси во шест точки.

Од десната страна има уникатна централна конзола и менувач со ламинирана рачка која е всушност омаж на тркачките автомобили како 909 бергспајдер и 917. Автомобилот има и еркондишн, заштитен кафез и опциско совозачко седиште.

Погонот доаѓа од 3,8-литарски шестцилиндерски боксер мотор со два турбополначи и 700 коњски сили поврзан со седумбрзински ПДК менувач кој ја испраќа силата до тркалата преку тркачки диференцијал.

Порше одби да открие колку е брз автомобило, но потврди дека тежи само 1.380 килограми и има спортски систем за сопирање. Автомобилот има и ПСМ систем за стабилност, контрола на триењето со подлогата и АБС-систем кој може целосно да се исклучи.

„Овој спектакуларен модел е роденденски подарок од Порше моторспорт до сите обожаватели низ светот“, кажа потпретседателот на спортскиот оддел на Порше, д-р Франк Штефан Вализер. „Бидејќи автомобилот не е хомологиран за тркање, инженерите и дизајнерите не мораа да се придржуваат до одредени правила и оттука е слободата во развојниот процес“.

Производството ќе биде ограничено на само 77 примероци, а во Европа цените почнуваат од 701.948 евра. Првите примероци ќе бидат испорачани во јуни 2019.

Без оглед на фактот што од постоењето на уметноста постои и теорија и приказна за тоа, уметничкиот процес останува крајно неразбирлив.

повеќе

Што е потребно младите велешки занаетчии да не станат самоубиствени гемиџии, туку да ги тераат своите замисли напред.

повеќе

Брзата храна и газираните пијалоци се водечки причинители на прекумерна телесна тежина, која пак значително го намалува нашиот животен век и квалитет на живот.

повеќе