Видеото што го објави телевизијата Звезда открива детали за тестирањето на моделот аурус сенат, а снимката нѐ води и во фабриката каде што се произведува автомобилот.
Во еден сегмент е прикажан креш-тестот на луксузната лимузина при брзина од 64 км/ч (од 12:15 минути на снимката).
Возилото долго 5,6 метри има хибриден погон благодарение на кој од 0 до 100 км/ч стигнува за шест секунди, а почетната цена е 254.000 долари.
Аурус сенат на почетокот на годината беше тестиран во услови на екстремен студ, на Сибир. Автомобилот се покажал исклучително издржлив и на температури од минус 50 Целзиусови степени.
Луксузните автомобили на Аурус првично беа наменети само за највисоките руски државници, а сенат беше за првпат прикажан при инаугурацијата на Путин во 2017 година.
Од тогаш руската компанија реши да направи широка палета возила за пазарот. Сериското производство би требало да почне во 2021, но неколку возила ќе се симнат од производствените ленти веќе во ноември годинава.
