Мелкус РС 1000 од 1976

Источногерманското ферари: комунистичкиот спортски автомобил со двотактен мотор (ФОТО+ВИДЕО)

Замислете автомобил од Источна Германија од ерата на Студената војна кој не е трабант или вартбург. Не е лесно, нели? Но, имаше и други автомобили, па дури и спортски, како овој мелкус РС 1000 од 1976 година.

 

Моделот се произведувал повеќе од десет години од 1969 до 1979 година во Дрезден во тогашна Источна Германија, но во тој период е произведен само 101 примерок.

Проектот за развој на спортскиот автомобил го почнал Хајнц Мелкус, источногермански тркач од 1950-тите и 1960-тите кој бил и конструктор, а изработил само еден модел наменет исклучиво за тркачката патека – РС 1000.

Лесната каросерија од стаклени влакна е поставена на челична шасија.

Автомобилот е со многу низок профил со врати што се отвораат нагоре, како крилја на галеб.

Кога се појавил на патиштата, во тоа време веројатно на просечниот жител на Источна Германија му изгледал како вселенски брод.

Повеќето примероци на мелкус РС 1000 ги придвижувал трицилидерски 1,0-литарски двотактен мотор на Вартбург, но со троен карбуратор.

Автомобилот од фотографиите кој во моментов се продава на аукција на Колектинг карс, е единствениот со 1,3-литарски V6 мотор од ДКВ Ф102.

V6 мотор со толку мала работна зафатнина е необичен сам по себе, но фактот што е двотактен го прави уште попосебен.

Интересно е што првично бил замислен како бродски мотор.

Што се однесува до мелкус РС 1000, изработени се само неколку прототипи со тој мотор кој произведува 110 коњски сили со вртежен момент од 180 њутнметри. Силата се пренесува на задните тркала преку петбрзински рачен менувач, што со тежина од само 720 килограми е доволно за максимална брзина од 201 км/ч.

Имајќи предвид дека стандардните примероци со трицилиндерски мотор имале само 68 коњски сили, овие бројки за тоа време биле фантастични.

За автомобилот од 1976, кој според описот е обоен во ферари модена жолта боја и кој има поминато само 13.456 километри, продавачот вели дека е во совршена фабричка состојба, со патина на годините.

Македонија може да ги задоволи потребите од електрична енергија ако на површина од 160 км2 постави соларни панели, а инвестицијата за тоа е 2,4 милијарди евра.

повеќе

Тешко е да се очекува дека ветото ќе биде туку-така тргнато. Дури и кога би се постигнал некаков договор, тоа би значело дека Македонија направила тешки и болни компромиси за да дојде до решение, имајќи ги предвид тврдите позиции на Бугарија.

повеќе

Лошите прогнози за инфлацијата и зголемувањето на цените на сите енергенси, не упатува кон еден заклучок - обновливите извори на енергија, заедно со вложувањето во самоодржливост и економијата на подарувањето сега се позначајни отколку кога и да е претходно.

повеќе