Форд го претстави подновениот фокус (ФОТО+ВИДЕО)

Популарниот модел од компактната класа е рестилизиран три години по претставувањето на актуелната генерација.

 

Најважните новини на фејслифтот на форд фокус се освежениот изглед, новиот мултимедијален систем, новата технологија за помош во возењето и унапредената моторизација. Моделот во салоните ќе пристигне на почетокот на следната година.

Кога станува збор за надворешноста, „носот“ сега стои повисоко, додека значката Форд е преместена од хаубата на решетката на маската. Маската е поголема од претходно, а се разликува во зависност од пакетот на опрема.

Сите верзиите имаат нови, потенки ЛЕД предни светла со интегрирани магленки.

Како опција се достапни и матрикс ЛЕД фарови, со функција на динамично осветлување во свиоци, активна контрола на снопот за да се избегне заслепување на другите возачи или прилагодување на светлото на состојбата на патот и временските услови.

Внатрешноста на автомобилот сега изгледа помодерно. На инструмент-таблата доминира огромниот 13,2-инчен дигитален екран преку кој возачот има пристап до новиот мултимедијален систем синк4.

Со клима-уредот и поставките на повеќето системи исто така се контролира преку екранот чувствителен на допир.

Основниот мотор на фокусот и понатаму е трицилиндерскиот 1,0-литарски екобуст со 100 или 125 коњски сили во комбинација со шестбрзински рачен менувач. Во понуда ќе биде и како мајлд хибрид со опциска седумбрзинска автоматика во верзии од 125 и 155 коњски сили.

Единствен дизел е 1,5-литарскиот екоблу во две верзии, со 95 и 120 коески сили. Во комбинација е со 6-брзински рачен или 8-брзински автоматски менувач.

Најновата СТ верзија под хаубата ќе го има 2,3-литарскиот екобуст со 280 коњски сили.

Конески со голема дарба и со рационална мисла, создаде комуникативна поезија, создаде за македонските генерации образец на читлива литература.

повеќе

Првичната реакција на голем број држави кога се појави новата варијанта на ковид-19 вирусот за забрана на патувањето од Јужна Африка и од соседните држави, иако истиот веќе се има проширено, е очајна мерка. Всушност, државите можеби се и подобро подготвени отколку што мислат за што и да следи.

повеќе

Со неколку геополитички шаховски потези, Кина докажа дека не секогаш оружјето и војните се единствениот начин за глобална доминација.

повеќе