Фолксваген тестира електричен хечбек на Арктикот (ФОТО)

Хечбекот И.Д. ќе биде првиот автомобил од новото целосно електрично семејство на Фолксваген, а производството ќе почне на есен.

Не треба да се истакнува дека германскиот гигант има огромни очекувања од моделот со големина на голф, кој најверојатно ќе се вика нео.

Фолксваген ги фрли сите карти на електрификацијата на автомобилите по Дизелгејт скандалот и вложи 80 милијарди евра во технологијата и батериите.

Токму овој хечбек ќе ја предводи оваа транизиција во најголемата стратегиска промена во рамки на Фолксваген групацијата во 80-годишното постоење.

Во последните месеци беа откриени доста податоци за И.Д. хечбекот, а последната информација се шпионските фотографии од тестирањето во екстремни услови.

Неколку дена откако ниските температури во САД укажаа на слабоста на капацитетот на батериите на електричните автомобили во такви услови, Фолксваген го испрати својот нов адут во близина на арктичкиот круг.

Фотографиите издаваат речиси моноволуменски дизајн на автомобилот, што значи дека ќе има попросторна внатрешност од голфот.

Се очекува И.Д. (нео) да има електромотор со сила од 170 коњски сили со погон на предната оска, а автономијата треба да изнесува речиси 500 километри меѓу две полнења, барем со поголемата батерија од 11 киловат часови.

Поевтината варијанта со помала батерија од 45 киловат часови би требало да има радиус од околу 330 километри со едно полнење, а Фолксваген најавува дека за 80 отсто од капацитетот ќе бидат потребни 30 минути полнење.

Според Законот за вработените во јавниот сектор, службениците можат да примаат подароци во вредност до 3000 денари годишно, што се смета за „пониска вредност“.

повеќе

Кинеското присуство во Македонија не треба да се преценува или стигматизира, туку да се искористи,

повеќе

Земјите од Западен Балкан се соочуваат со нов безбедносен предизвик: дерадикализација и реинтеграција на повратниците.

повеќе