Фолксваген се збогува со „бубата“ на легендарната трка Миле миља

Фолксваген пријави две класични „буби“ во годинешната трка Миле миља. „Најубавата трка“, како што често е нарекувана, е одбрана од страна на германската компанија за збогување со култниот модел, бидејќи последнот примерок ќе се симне од фабричките ленти летоска.

Поврзаноста на Фолксваген со Миле миља оди наназад до 1950-тите, кога „бубите“ кои натпреварувале се прославиле победувајќи ги многу помоќните ривали.

„Дапферл“, „буба“ од 1948 година модифицирана со делови од порше 356, со Пол Ернст Штрале зад воланот во 1954 година победила во класата на автомобили со мотори до 1.300 кубни сантиметри, а добила и бронзен медал во класата до 1.500 „кубици“.

Историскиот „Дапферл“ има своја реплика во годинешното издание. „бубата“ од 1951 година има различни делови од Порше и мотор со 60 коњски сили. Вториот автомобил е автентична реплика на „Овали бубата“ од 1956 година, направена е од Фолксваген класик и има порше мотор со 75 коњски сили.

За да учествуваат во историскиот настан, сите автомобили мора да учествувале во Миле миља меѓу 1927 и 1957 година, и сите делови мора да бидат верни на оригиналот.

Најголемиот предизвик на секоја земја е развојот и одржувањето на здрава популација.

повеќе

Албанија и Северна Македонија уште ќе чекаат, една година откако блокот рече дека имаат шанси за разговори за членство, вели Политико.

повеќе

Ништо не ме научи повеќе за моите родители, а и за мене, од храната што тие ја обожаваа откако избегаа од Босна.

повеќе