Фолксваген ќе го укине пасатот во Европа во 2023 година?

Според извори од компанијата запознаени со плановите, Фолксваген ќе го укине пасатот не само во САД туку и во Европа, за да се фокусира на електричните автомобили и кросоверите.

Германската компанија планира да го зачува само пасат карван откако ќе биде претставена новата генерација на моделот при крајот на 2023 година, јавува Аутоњуз Европа. Карван верзијата ќе продолжи да се продава на пазари како Германија.

Сепак, мора да предупредиме дека ова е повеќе гласина отколку вест, иако се цитираат неименувани извори. Проблемот е во тоа што пасатот останува најпродаваниот непремиум седан од средната класа, со продадени 88.478 примероци досега оваа година. Пасатот е и наградувано име, а минатата година ја освои титулата „најдобар службен автомобил за 2019“.

Многу пологична е одлуката пасатот да се укине во САД – пред сè поради само 16.190 примероци продадени во првите три квартали од 2020. Неговото укинување во Европа, откако беше најавено селење на производството во Братислава, нема многу логика, па дури и ако станува збор само за седан верзијата.

Сепак, друг извор од Фолксваген тврди дека со елиминирањето на пасатот групацијата ќе го реши внатрешното ривалство меѓу марката Фолксваген и Шкода, и супербот конечно ќе може да владее во средната класа во централна и источна Европа.

Во моментов, Фолксваген го произведува европскиот пасат во Емден, Германија, локација која наскоро ќе биде користена ексклузивно за производство на електрични возила, вклучувајќи ги кросоверот ИД. 4 и електричниот седан од средната класа со код Аеро Б.

Реакцијата на семејството и блиските во однос на пандемијата е пресуден фактор кој влијае на емотивната состојба, размислувањата и однесувањето на младите.

повеќе

Можеби по нас ќе дојдат некои нови клинци што прегрнати ќе го слушаат мртвиот Џоле и ќе го разберат подобро отколку што го разбравме ние на кои со години жив на глуви уши ни пееше за љубовта.

повеќе

За државата Македонија, Македонците се посебен народ со повеќевековна традиција, кои зборуваат, творат, се радуваат и тагуваат на македонски јазик, веќе со векови, во и надвор од територијата на нашата држава.

повеќе