Фолксваген го претстави ИД.7, електричната замена на пасатот, во завиена форма (ФОТО+ВИДЕО)

Фолксваген го одбра шоуто ЦЕС во Лас Вегас за најавувањето на својот прв целосно електричен седан – ИД.7. Сериската верзија на ИД.аеро концептот ќе биде претставена на пролет годинава. Германската компанија го покажа седанот прекриен однадвор со „паметна“ камуфлажа, но целосно ги откри ентериерот и некои од технолошките содржини на новиот модел.

 

Што се однесува до дизајнот, ИД.7 изгледа многу слично на ИД.аеро концептот од јуни 2022, задржувајќи ја аеродинамичната силуета иако некои детали се „смирени“ на серискиот модел. Ова значи поедноставни ЛЕД светла, поголеми надворешни ретровизори, нешто поинакви браници, и помали тркала.

Специјалната камуфлажа на Фолксваген за ИД.7 создава светлосни ефекти во различни бои, со графика инспирирана од кју-ар кодовите.

За среќа, внатрешноста е целосно откриена, прикажувајќи го конечниот сериски дизајн сосе 15-инчниот централен дисплеј чувствителен на допир и малата дигитална инструмент-табла зад воланот.

Германската компанија го опишува моделот како „ефикасен електричен седан со голем радиус“, најавувајќи проценет радиус со едно полнење до 700 километри.

ИД.7 ќе се продава на три континенти – во Европа, Азија и Северна Америка. Официјалната премиера се очекува во второто тромесечје од 2023 година. Моделите за европскиот пазар ќе се произведуваат во фабриката во Емден во Германија заедно со ИД.4. Електричниот седан ќе биде шестиот модел од ИД семејството, и еден од десетте електрични модели кои Фолксваген ќе ги претстави до 2026 година.

„Ќе дојде ден, кога пазарите отворени за трговија и размена на идеи, ќе бидат единствените борбени полиња“ - Виктор Иго

повеќе

Трагично е што воопшто треба да се бориме за зачувување на институција која отсекогаш била стожер на културниот живот во Македонија.

повеќе

Македонија нема рециклирачки капацитет за пластичната амбалажа, а со увозот на ѓубре како гориво во индустријата, станува и неофицијална депонија на ЕУ.

повеќе