За Халовин

БМВ се обиде да се пошегува со Мерцедес, шегата им се одби од глава (ФОТО)

БМВ и Мерцедес во САД го прифатија духот на Халовин со шегување на Твитер.

БМВ УСА го испука првиот плотун со твит насочен кон Мерцедес. На објавената фотографија се гледа мерцедес-бенц Е53 АМГ во костим на БМВ М5 со пораката: “Не може секој автомобил да се облече како својот омилен суперхерој“.

Шегата насочена кон Мерцедес и нивната АМГ верзија од средната класа им се одби од глава на шегаџиите од БМВ. И пкрај честитката на празник од колегите, Мерцедес реши да возврати – на одличен начин.

Компанијата на твитот на БМВ возврати со: „Одлична шега. Тоа е навистина страшен костим!“, носејќи ја размената на повисоко ниво со додаденото: „Особено предната решетка...“

Ова е, секако, пресмешна забелешка на сѐ поголемата предна решетка на моделите на БМВ. Контроверзиите почнаа со икс7 и продолжија со дебито на подновената серија 7. Меѓутоа, БМВ отидоа чекор предалеку со претставувањето на концепт 4 на автомобилскиот саем во Франкфурт.

Решетката на концептот е речиси исто висока колку предното „лице“ и беше опишана како „дабарски заби“ па сѐ до „монструозна“. Иако обично дизајнот на концептите се смирува за сериските модели, на шпионските фотографии се гледа дека безвезната предна решетка навистина ќе се случи.

Информацијата дека коронавирусот може да се пренесe преку допир со готовина, дополнително ги мотивираше луѓето да се ослободат од банкнотите. 

повеќе

Овогодинешниот процес во одлучување по конкурсот за финансирање на проекти за игран филм е селективен, корумпиран и компромитиран,

повеќе

Во споредба со 2019 година, просечното време поминато на социјалните медиуми во 2020 година се зголеми за рекордни 100% на сите платформи.

повеќе