Аурус командант – рускиот Ролс Ројс (ФОТО+ВИДЕО)

Руските олигарси ги израдуваа добри вести откако Аурус го претстави сосема новиот комендант. Дизајниран да пружи „беспрекорна удобност на секое патување“, комендант е ултралуксузен кросовер во стилот на бентли бентега и ролс ројс калинан.

 

Сличноста со вториот е толку впечатлива бидејќи комендант има масивна предна решетка со ЛЕД фарови и големи отвори за воздух.

Дека моделот на Ролс Ројс е очигледна инспирација потврдува и профилот каде до израз доаѓаат масивните тркала кои можат да бидат од 20 до 22 инчи.

Што се однесува до големината, комендант е долг 5.380 милиметри, широк е 2.004 милиметри и висок е 1.820 милиметри, со меѓуоскино растојание од 3.100 милиметри.

За бројките да добијат перспектива, рускиот кросовер е 39 милиметри подолг од ролс ројс калинан, но има за 195 милиметри пократко меѓуоскино растојание.

Внатрешноста е суперлуксузна, со скапи материјали и украсни детали од дрво и метал.

Има дигитална инструмент табла, широк екран на мултимедијалниот систем и неизбежниот, за ваквите модели, аналоген часовник.

Идните сопственици ќе уживаат во четиризонскиот клима-уред, амбиенталното осветлување, држач за чаши кој се грее/лади и безжични полначи за паметни телефони.

Поради тоа што станува збор за кросовер за најбогатите, позади наместо клупа има две посебни фотелји кои се греат, вентилираат и масираат.

Разделени се со широка централна конзола која содржи масички на склопување и мини-бар со фрижидер.

Аурус наведе дека купувачите може да го персонализираат своето возило бидејќи компанијата нуди индивидуални бои, гравирање на праговите и специјален вез на потпирачите за глава. Купувачите може да одберат и специјални фурнири и уникатни украси.

Во срцето на хибридниот погон е 4,4-литарски V8 твин-турбо мотор со 598 коњски сили и вртежен момент од 880 њутнметри. Поврзан е со деветбрзински автоматски менувач и стандарден систем за погон на сите четири тркала.

Оваа конфигурација му овозможува на комендант, кој е тежок 3,235 килограми, да забрза од 0-100 км/ч за 6,5 секунди, пред да ја достигне максималната брзина од 220 км/ч. И покрај хибридниот погон, кросоверот има просечна комбинирана потрошувачка на бензин од 18,5 литри на 100 километри.

Меѓу поважните карактеристики е прилагодливата воздушна амортизација која обезбедува максимално растојание од тлото од 260 милиметри.

Цените почнуваат од 33,7 милиони рубли, што е околу 590.000 евра. Комендант е прилично скап, имајќи предвид дека ролс ројс калинан чини околу 350.000 евра.

Сведоци сме деновиве на сензационална приказна за некаков американски тим кој, внимавајте, агресивно ќе ловел корупција во Македонија.

повеќе

Најавите на американската администрација за бескомпромисна  борба против овие корумпирани,  неспособни  и криминални структури на сите нивоа на државата за македонските граѓани се единствено светло во тунелот.

повеќе

Концептот на даночната реформа, кој го претставивме минатата недела на заедничка прес конференција со премиерот е дел од поголем процес за креирање на оптимален даночен систем кој ќе биде праведен и ќе го поддржи економскиот раст.

повеќе