РС 6 авант

Ауди претстави нов супер-карван со 600 коњски сили! (ФОТОГАЛЕРИЈА)

Суперспортски карвани се влезени во ДНК на Ауди и компанијата не разочара со претставувањето на новиот РС 6 авант.

 

Дебито „во живо“ е веќе закажано за Франкфуртскиот автомобилски саем, а РС 6 авант има 4,0-литарски V8 со две турбини кој развива 600 коњски сили. Поврзан е со осумбрзински автоматски менувач кој силата ја пренесува на кватро погонот на сите тркала. Целата оваа комбинација му овозможува на автомобилот да летне од 0-100 км/ч за 3,6 секунди, пред да ја достигне електронски лимитираната максимална брзина од 250 км/ч.

Кога сме кај перформансите, карванот доаѓа со специјално нагодена адаптивна воздушна суспензија и спортски диференцијал кој ветува „подобрување на агилноста во свиоците со активна распределба на вртежниот момент меѓу предните и задните тркала“.

Што се однесува до дизајнот, моделот ги следи стапките на А6 и С6 авант. Меѓутоа, има цела низа измени кои сугерираат дека ова не е обично возило за до продавница.

На предниот дел, РС6 има истакна „синглфрејм“ маска со црна решетка кои се уникатни за овој модел. Тука се и набабрената хауба, огромните отвори за воздух и сребрениот сплитер.

Спортскиот настап продолжува наназад со агресивните странични спојлери и „крилото“ поставено на петтата врата. Тука се и огромните тркала поткрепени со керамички сопирачки. А целиот впечаток го заокружуваат двојниот издув и уникатниот заден браник со интегриран дифузер.

За новиот спортски карван доволно кажува изјавата на директорот на Ауди спорт, Оливер Хофман, кој кажа дека моделот има „голем потенцијал“.

ЕУ покажа дека не е во состојба да ги исполни ветувањата дадени пред скоро две децении во Солун и одлучи веќе да не се преправа.

повеќе

Кога политичарите сватија за каква моќна алатка се работи, час поскоро побрзаа да менуваат закони со кои „бомбите" нема да бидат докази.

повеќе

Брегзитот, односно напуштањето на Велика Британија на ЕУ, без сомневање ќе влијае врз градењето на новата политичка архитектура во Европа, со нова поделба на интересни зони на стариот континент.

повеќе