Светска премиера

Ауди А3 седан конечно заличи на сериозен автомобил (ФОТО+ВИДЕО)

Ауди го претстави сосема новиот А3 седан, односно втората генерација на моделот.

 

Како што и се очекуваше, новиот А3 седан е базиран на најновиот А3 спортбек, но со свеж дизајн, модерна технологија и нови мотори и шасија. А и дизајнерски најмалиот седан на Ауди заличи на сериозен автомобил.

Под ова што го гледаме се наоѓа подновената ем-кју-би ево платформа, па новиот А3 седан е 40 милиметри подолг од претходникот, со должина од 4.500 милиметри. Меѓуоскиното растојание останува непроменето, а ширината е зголемена за 20 милиметри и висината за 10 мм.

Зафатнината на багажникот останува непроменета со 425 литри.

Не може многу да се коментира што се однесува до дизајнот, бидејќи единствената разлика во споредба со А3 спортбек е задниот дел, па дури и задните светла се идентични. Седанот е 150 милиметри подолг од хечбекот, што дава поелегантен профил и подобра аеродинамика.

На почетокот, новиот ауди А3 седан ќе се нуди со еден ТФСИ и еден ТДИ мотор. Основната верзија е 35 ТФСИ, што е ознаката на Ауди за 1,5-литарскиот турбобензинец со 150 коњски сили. мотор може да се одбие со шестбрзински рачен или седумбрзински С-троник автоматски менувач со двојна спојка.

Во „мајлд хибрид“ верзијата, бензинскиот мотор добива и 48-волтен хибриден систем. Вториот избор е 2,0-литарски ТДИ турбодизел со 150 коњски сили кој се нуди само со автоматски менувач.

Новиот А3 седан почнува да се продава на крајот на месецов во Германија и остатокот од ЕУ, додека во другите земји продажбата би требало да почне со почетокот на летото. Цените почнуваат од 29.000 евра.

Ковид-19 може да нѐ научи битни лекции за животот - дека почитта кон другите човечки суштества не е во честа која им ја даваме со пружање рака и тапкање по грбот, туку во суштинската грижа за нивната добробит и здравје.

повеќе

За преродба требаат само три чекора: промена на изборниот модел, укинување на мега и квази државниот апарат заедно со сите паразити во него и економски план за ревитализација на земјата.

повеќе

Нашиот капацитет за справување со општи кризи е ограничен. Дали здравството е немоќно, или ние не можеме да се прилагодиме на промени?

повеќе