Овчарска пита

Приготвување:

Загрејте го маслото во голема тава на средна температура. Додајте ги кромидот, морковот и целерот и динстајте ги мешајќи 5 минути, додека да омекнат. Додајте го меленото месо и со мешање динстајте 5 минути, или додека месото да ја смени бојата.

Додајте го брашното и динстајте со мешање 2 минути, или додека да се добие компактна смеса. Додајте ги супата од коцка, дафиновиот лист, сосот Вустершир и доматниот сос. Додајте ги пченката и грашокот. Оставете да зоврие. Намалете ја температурата и со повремено мешање динстајте 30 минути, или додека сосот да згусне. Зачинете со сол и црн пипер.

Во меѓувреме, варете ги компирите во солена зовриена вода 15 минути, или додека да омекнат. Добро исцедете ги. Истурете ги во сад со путер. Гмечете ги додека да станат компактна смеса. Додајте го млекото и мешајте со дрвена лажица додека убаво да се спојат состојките. Зачинете со сол и црн пипер.

Загрејте ја рерната на 200°Ц. Истурете ја смесата со меленото месо во огноотпорен сад за печење со обем од 2 литри. Одозгора истурете го пирето и убаво измазнете го. Попрскајте го со стопен путер. Печете 20 минути, или додека пирето да стане златно-кафеаво. Сервирајте веднаш.

Состојки:

1 лажица маслиново масло

1 црвен кромид, ситно сечкан

1 морков, ситно сечкан

2 страка целер, ситно сечкан

500 г мелено јагнешко месо (може и мешано)

2 лажици брашно

пакетче пченка

пакетче грашок

500 мл супа од говедска коцка

1 сушен дафинов лист

1 лажица сос  Вустершир

1 лажица доматен сос

сол

свежо мелен црн пипер

4 компири (приближно од по 200 г), лупени, сечкани

40 г путер

125 мл млеко

топен путер, за попрскување

 

Објавено

Сабота, Ноември 16, 2019 - 17:20

„Новото нормално“ неизбежно со себе ќе носи неизвесност и страв бидејќи заканата од вирусот наѕира во позадина и не може да се искорени.

повеќе

„Шарената револуција“ беше енергија и граѓански порив за промени. Малку застранивме.

повеќе