Гоцевски потпиша за Фени индустри

Златко Гоцевски, повремениот кошаркарски репрезентативец на Македонија, е нов член на актуелниот македонски шампион Фени индустри.

Високиот центар, кој првиот дел од сезоната го одигра во дресот на бугарски Јамбол, веќе извесно време тренира со тимот од Кавадарци и треба да биде засилување на центарската линија во составот предводен од тренерот Емил Рајковиќ. Гоцевски во „ростерот“ на кавадарчани треба да го пополни местото на повредениот Слободан Михајловски, кому неодамна му беше оперирано коленото и за кого сезоната веќе е завршена.

По кусата бугарска епизода се враќа во Кавадарци: Златко Гоцевски

„Гоцевски ќе биде одлично засилување на тимот во втората полусезона. Тој е искусен и квалитетен играч, кој ќе знае адекватно да се носи со противничките високи кошаркари“, вели Рајковиќ, стратегот на шампионот Фени И.

Ангажманот на Гоцевски е своевиден одговор на управата на Фени И. на доведувањето на Тодор Гечевски од страна на МЗТ, тим што им е еден од најголемите ривали на кавадарчани на патот кон еден од трофеите сезонава. Повремениот репрезентативец кариерата ја почна во сега непостојниот Кочани Деликатес, а во својата кариера има играно уште и за МЗТ Скопје, Работнички, Струмица и косовски Пеќ. Сезонава во бугарскиот шампионат одигра 15 средби со просек од 7,1 поен и 4,3 скока.

Планот за чист воздух од само 1,5 милиони евра издвоени од буџетот и за граѓаните и за еколошките активисти е несериозен.

повеќе

Во битката за фотелја во ФФМ секогаш решавачка била „техниката" на добивање гласови од делегатите со поткуп, ветувања, партиски и притисоци на локалните моќници... 

повеќе

Како може да се надминат исклучивите и националистички толкувања на минатото: што работат комисиите?

повеќе