Седум дечиња се повредени во пожарот кај Струмица

Четиринаесет лица од кои седум деца се повредени во пожарот кој цел ден беснееше во струмичко. Петмина се со потешки повреди и во моментов тие се пренесуваат во Ургентниот центар во Скопје. За среќа, децата минале со полесни повреди, а во животна опасност се нашле само заради детската игра и љубопитност откако избил пожарот. Тие играле кошарка на спортското игралиште во месноста над која изби пожарот, а живи се само благодарение на среќата. Зоран Заев, градоначалникот на Струмица моментално е во струмичката болница Еве што изјави тој предмалку за МКД.МК.

„Му благодариме на Господ за дождот што падна, инаку тешко одеше справувањето со огнената стихија. Во гаснењето на пожарот беа вклучени сите државни и општински институции. Четрнаесет луѓе се повредени од кои седум дечиња. Петмина во моментов се транспортираат кон Скопје поради сериозноста на повредите. Тројца се многу тешко повредени, а од нив еден цивил и двајца вработени во шумското претпријатие. Да се надеваме дека се ќе мине најдобро што може. Се уште не се познати причините за пожарот“, изјави Заев.

Пожарот избувна денеска околу пладне и ја зафати боровата шума и смреката над градот. Само благодарение на обилните дождови што паднаа попладнево пожарот е неутрализиран.

Според Законот за вработените во јавниот сектор, службениците можат да примаат подароци во вредност до 3000 денари годишно, што се смета за „пониска вредност“.

повеќе

Кинеското присуство во Македонија не треба да се преценува или стигматизира, туку да се искористи,

повеќе

Земјите од Западен Балкан се соочуваат со нов безбедносен предизвик: дерадикализација и реинтеграција на повратниците.

повеќе