Скопска просечна бруто плата 593 евра, 20 отсто над државниот просек

Скопскиот регион е најпосакувана дестинација за вработување. Државниот завод за статистика објави дека просечната бруто плата во Скопје е 36.506 денари (593 евра), за октомври 2010 година.

Ова е за првпат во свое истражување по 2006 година ДЗС да објави финансиски показатели за заработка по региони во Македонија. Очекувано најсиромашни региони се источна и југоисточна Македонија. Таму, податоците покажуваат дека треба да се работи пет дена за парите кои во Скопје може да се заработат за три дена работа.

Пелагонија, некогаш најмоќен индустриски регион, е далеку позади Скопје, а каска и зад второрангираниот Полог. Југозападна Македонија се израмни со Пелагонија, а Вардарскиот регион може да се теши дека, ако ништо друго, е подобар од исток и југоисток. Североисток (читај Куманово) е на ниво од 400 евра просечна бруто плата веднаш зад Пелагонија.

Статистиката покажува дека во Скопје просечна на час се заработува 216 денари во бруто износ. Во економијата на Полог (Тетово и Гостивар) се заработува 168 денари на час, а во Пелагонија (Битола, Прилеп) се заработува 151 денар на час.

Речиси израмнети се Југозападниот регион (Охрид, Струга, Кичево, Дебар) со просечна сатница од 149 денари и Североистокот ( Куманово, Кратово, Крива Паланка) со 148 денари на час. Најмала е сатницата на исток (Штип, Кочани, Виница, Свети Николе, Берово, Делчево, Македонска Каменица) каде просечно на час се заработува 130 денари односно едно евро помалку од државниот просек, а дури 40 отсто помалку од Скопје.

Овој податок е главната причина заради која во источна Македонија населението најмасовно мигрира на привремена работа надвор од земјава. Не е подобра ниту ситуацијата на југоистокот (Струмица, Радовиш, Валандово, Дојран) каде што просечната плата е 22.628 денари, а просечна бруто на час се заработува 136 денари.

Централна Македонија, според заработката е во средината на табелата. Велес, Неготино, Кавадарци и Гевгелија имаат просек од 23.010 денари месечно односно 139 денари на час.

Следејќи ги слепо своите геостратешки планови, можно е американските геостратези и во Македонија да направија уште една грешка, во низата грешки во последните две декади.

повеќе

Подгорица во 2019 година ќе добие споменик на Јосип Броз Тито.

повеќе

Mоменталната правна поставеност на урбанистичкото планирање не обезбедува соодветна судска заштита на граѓаните.

повеќе