Супа од цвекло и пашканат

Приготвување:

Загрејте го маслото во големо тенџере и динстајте ги кромидот, морковот и пашканатот 5 минути, додека да почнат да омекнуваат. Додајте го коријандерот и динстајте уште 2 минути.

Додајте ги зеленчуковата супа од коцка и цвеклото. Оставете да зоврие, а потоа динстајте 20 минути, додавајќи 2 лажички копар во последните 2 или 3 минути.

Исечете ја калинката на половина и исцедете го сокот од неа со помош на цедалка за лимон. Измешајте ја целата супа во блендер и додајте од сокот од калинка по вкус (најмногу 4 лажици).

Украсете со јогурт, со половинките ореви и со останатите 2 лажички сечен копар.

Состојки:

1 лажица маслиново масло

1 среден кромид, ситно сечкан

2 сечкани моркови

2 сечкани пашканати

1/2 лажиче мелен коријандер

800 мл зеленчукова супа од коцка

350 г варено цвекло

4 лажички копар, ситно сечкан

1 калинка

За украс

4 лажици јогурт

6 ореви, искршени на половинки

 

Граѓаните и општата јавност исто така се важен штит за укажувачите.

повеќе

Вчера оправдано доминираше веста дека „Макрон ќе поддржи преговори за Македонија и Албанија ако ЕК препорача во март“.

повеќе

Албанија мора отворено да каже, дека обидите на Софија за асимилација на Македонците во Албанија како Бугари не се добрососедство, туку отворен напад.

повеќе