Бугарски Фокус: по Гоце и Даме, и Бугаринот Симеон Радев доби споменик во Скопје

МНР вели дека на новата зграда се поставени статуи на истакнати светски дипломати и општественици, а за бугарските медиуми статуата на Симеон Радев на зградата е уште еден доказ за „бугарското потекло на Македонците“.

Истакнатиот бугарски деец Симеон Радев доби споменик и во Скопје, јави агенцијата Фокус од Софија.

Статуата на Симеон Радев е поставена на покривот на новата зграда на Министерството за надворешни работи на Република Македонија.

Така, истакнатиот бугарски публицист и дипломат стана уште една бугарска историска личност претворена во новомакедонец. Споменици на Бугари веќе има во Скопје – Самоил, Гоце Делчев, Даме Груев, Методија Шаторов и Методија Андонов – Ченто“, пишува Фокус.

Тодор Чепреганов, директорот на Институтот за национална историја, вели дека никаде во македонската историја Симеон Радев не е претставен како македонски деец. „Напротив. Врската на Радев со Македонија е само местото на раѓање, Ресен. И ништо друго. Целото негово животно дело е посветено на бугарската држава и идеја. Така и никако поинаку ние и го изучуваме“, изјави за МКД.МК Чепреганов.

Од МНР на Македонија велат дека на покривот на нивната нова зграда ќе има повеќе статуи на истакнати светски дипломати и општественици, па и статуата н Радев е дел од тој концепт.

Симеон Радев е истакнат бугарски дипломат, писател и публицист и потписник во име на Бугарија на Букурешкиот мировен договор.

На темава се јави и неизбежниот Божидар Димитров. Со споменикот на Симеон Радев во Скопје „тие признаваат дека нивното Министерство за надворешни работи е филијала на бугарското“, изјави за Фокус Димитров. Директорот на софискиот Национален историски музеј за бугарската изјавува дека кога слушнал за ова, едноставно не поверувал дека такво нешто е можно. „Ова може да значи само едно – дека Македонците признаваат дека се Бугари“.

Еве што за бистите на покривот на новата зграда на МНР изјави пред извесно време Александар Спасеновски, пратеник од ВМРО-ДПМНЕ и заменик – член на собраниската комисија за надворешна работа: „Со истакнувањето видни личности на фасадата на новото МНР, како прво, манифестираме дека сме дел од напредниот западен свет. Второ, изразуваме благодарност кон земјите што ни се стратегиски партнери и трето, тоа се прави поради естетика што соодветствува на градбата.“

На зградата ќе се постават и статуи на американските претседатели Џорџ Вашингтон и Абрахам Линколн, рускиот цар Петар Велики, кинескиот генерал Сунг Цу, италијанскиот политичар Џузепе Мацини, старогрчкиот историчар Тукидид, британскиот политичар Винстон Черчил...

А.Д.

 

 

 

Тоталното разочарување од сите мејнстрим политички елити, вклучувајќи ги и зелените, континуирано води кон отуѓување на граѓаните, за што доказ е се помасовното бојкотирање на изборните процеси.

повеќе

Помина времето кога политиката беше „шаховска борба“ на политичките актери, која неретко се одвиваше далеку од очите на јавноста и беше доста неразбирлива за обичниот гласач. 

повеќе

Државата треба повеќе да се вклучи во промовирање на младинско претприемништво како економска активност која би помогнала за намалување на невработеноста.

повеќе