МВР не распишува јавни конкурси, ама вработува интерно

Министерството за внатрешни работи цели четири години не објавило ниту еден јавен оглас за вработување, а последниот од таков тип бил во 2008 година.

МВР затворено за јавни вработувања

Вработувањата во полицијата најчесто биле интерни, што со право остава простор за сомневање дека оваа институција служи за вработување партиски, а не на квалитетни и професионални кадри.

На ова пред три дена реагираа и дипломираните криминолози од битолскиот универзитет, кои одржаа протест пред Владата и побараа од МВР да престане да вработува партиски и нестручни луѓе без јавни огласи и да распише конкурс за вработување на околу 400 дипломирани криминолози.

Од МВР потврдуваат дека немаат распишано ниту еден јавен оглас за вработување, но признаваат дека имало поединечни вработувања по потреба.

„МВР вработува во зависност од потребите на службата. Вработуваме според Законот за полиција, кој дозволува интерни вработувања, а не според Законот за државни службеници. Ние ги разбираме дипломираните криминолози, но не смееме да фаворизираме ниту една група на граѓани“, вели Иво Котевски, помошник-министер задолжен за односи со јавноста.

Според него, сите граѓани имаат право да конкурираат за работно место во Министерството за внатрешни работи.

„Сите што мислат дека ги исполнуваат критериумите за работа во полицијата може да поднесат барање за вработување и да приложат соодветна документација без да има претходен конкурс. Ако МВР оцени дека профилот на тој што конкурира му е потребен во тој момент, тој секако дека ќе биде повикан на интервју за работа“, вели Котевски.

Тој нагласува дека полицијата има потреба од најразлични образовни профили и дека барањата на дипломираните криминолози биле неоправдани.

„Тоа што тие завршиле криминологија во никој случај не ги става пред другите образовни кадри. На пример, во крим-единицата вработуваме биолози и хемичари, кои се многу постручни во таа област отколку дипломираните криминолози. Или во одделението за компјутерски криминал, на пример. Дипломираните компјутерски програмери секако дека ќе имаат поголема предност пред дипломираните криминолози“, објаснува Котевски.

Последниот јавен конкурс за вработување во Министерството за внатрешни работи бил објавен во 2008 година, за прием на униформирани полицајци.

Е.З.

 

Улогите на „добар и лош полицаец“ ќе ги играат кон нас уште долго, доколку не сфатиме дека со итроманска политика не се може подалеку од Табановце до Богородица.

повеќе

Неделава, владите на ЕУ повторно решија да го одложат започнувањето на преговорите за пристапување со земјите кандидати Албанија и Северна Македонија, што претставува историска грешка - бидејќи безбедноста и стабилноста на Унијата зависат од трансформацијата на југоистокот.

повеќе

Минатата недела, Сирија повторно беше на врвот на меѓународните вести. Земјата, која долги години е вклучена во борбата против екстремистичките групи, повторно се соочи со нов бран на агресија и воена акција. Во средата, на 9 октомври, турската армија, заедно со сириските антивладини бунтовници, го започна маршот кон североисточните делови на оваа земја што предизвика жестоки борби.

повеќе