Фронтменот на Редиохед

Том Јорк за брегзитот: „Акција достојна на раните денови на Третиот рајх“

Фронтменот на Редиохед, Том Јорк, го опиша раководењето на Тереза Меј со брегзитот како „акција достојна на раните денови на Третиот рајх“, алудирајќи на нацистичка Германија.

Во пост на Твитер Јорк ја нападна британската премиерка поради неизвесноста што ја предизвикал брегзитот и „стресот“ што го создал кај европските граѓани што живеат во Обединетото Кралство.

„Никој не те изгласа за да ја вовлекуваш во хаос оваа земја во безброј форми за да ги заплашуваш нејзините граѓани и парламент.

Никој не те изгласа за да ги доведеш во прашање животите на милиони Европејци како алатка за преговарање, предизвикувајќи огромни стресови и страдања, акција достојна за раните денови на Третиот рајх.

Никој не те изгласа за да го турнеш овој црвен автобус преку карпа со патници што врескаат на задните седишта. Ништо од ова не е израз на демократијата за која тврдиш дека ја поддржуваш. Стравот не е оружје што го користи британски премиер во 21 век.

Запри го автобусот ... веднаш“, напиша Јорк.

Британија се подготвува да ја напушти Европската Унија на 29 март, иако договорот за брегзитот допрва треба да биде склопен.

Јорк е гласен критичар на брегзитот уште откако во 2016 година победија поборниците за заминување, и повикува да се распише втор референдум.

Македонија може да ги задоволи потребите од електрична енергија ако на површина од 160 км2 постави соларни панели, а инвестицијата за тоа е 2,4 милијарди евра.

повеќе

Тешко е да се очекува дека ветото ќе биде туку-така тргнато. Дури и кога би се постигнал некаков договор, тоа би значело дека Македонија направила тешки и болни компромиси за да дојде до решение, имајќи ги предвид тврдите позиции на Бугарија.

повеќе

Лошите прогнози за инфлацијата и зголемувањето на цените на сите енергенси, не упатува кон еден заклучок - обновливите извори на енергија, заедно со вложувањето во самоодржливост и економијата на подарувањето сега се позначајни отколку кога и да е претходно.

повеќе