Идниот американски претседател

Доналд Трамп блокира на Твитер како утре да ќе има потоп

Откако победи на претседателските избори, централната тема на муабетите на твитерсферата во 2016 година, Доналд Трамп, во голема мера ја користи опцијата за блокирање на оваа социјална мрежа.

Се чини дека контроверзниот твитерџија донел одлука дека ако види дека некој го критикува или не се согласува со неговата политика на неговата омилена социјална мрежа, тој едноставно ќе го удри дигиталното копче „Отпуштен си“, блокирајќи ги несаканите следбеници од својот твитерџиски живот.

Не е убаво, Доналд.

Сега, кога сè повеќе и повеќе луѓе ги споделуваат своите лични приказни „ме блокираше идниот претседател на САД на Твитер“, се чини дека блокирачкиот маневар - вообичаено резервиран за екстремни случаи - станува второто лице на Доналд, вели Машејбл.

Мноштво корисници на Твитер, од збунети до развеселени, соопштуваат дека се блокирани од официјалниот профил на Трамп, а како доказ ставаат и принтскринови од неговиот недостапен профил. Како ова ќе се одвива откако тој ќе влезе во Белата куќа никој не знае.

Од петокот попладне твитер-профилот на Трамп има 16,5 милиони следбеници. Но којзнае колку ќе ги има откако ќе заврши неговата блокирачка треска.

Ах таа политика.

Реформи во образованието секако дека се потребни, но тие треба да се базираат на цврсти докази поткрепени со позитивни резултати за напредок.

повеќе

Кога ќе се каже Западна Европа, во Македонија се мисли дека се работи за место каде што царува сознанието.

повеќе

Постојат кафе барови каде стои натпис дека немаат интернет па препорачуваат луѓето да си прават муабет како порано. 

повеќе